Sian Gwynedd

Mae Sian yn gyfrifol am annog partneriaeth a datblygiad ar draws y gymuned gynhyrchu yn ogystal ag ystod eang o ddyletswyddau. Mae’n arwain ar ddatblygu’r bartneriaeth gydag S4C, fframwaith uchelgeisiol ar gyfer datblygiad talent cynhyrchu, amrywiaeth ar yr awyr, a rhaglenni radio BBC Cymru i’r rhwydwaith.

Roedd Sian yn Bennaeth Rhaglenni a Gwasanaethau Iaith Gymraeg o 2012 - 2016 ac yn Olygydd BBC Radio Cymru 2006-2012.

Mae cefndir Sian mewn newyddiaduraeth ac ymunodd â'r BBC yn 1994 fel ymchwilydd ar newyddion Radio Cymru a chafodd ei gwneud yn Olygydd y rhaglen Newyddion yn 2003. Yn ystod yr ugain mlynedd diwethaf bu'n gweithio yng Nghymru fel newyddiadurwr ar bapurau newydd a chylchgronau ac fel newyddiadurwr a chynhyrchydd ar nifer o raglenni newyddion radio a theledu. Yn wreiddiol o’r Bala cafodd ei haddysg yn Ysgol y Berwyn, Y Bala a Choleg Newnham, Caergrawnt, lle bu’n astudio Hanes ac Astudiaethau Eingl-Sacsonaidd, Nordig a Cheltaidd.