Rhys Evans

Rhys yw Pennaeth Materion Corfforaethol a Pholisi BBC Cymru, ac mae’n gyfrifol am reoli amrywiaeth o gysylltiadau â rhanddeiliaid, gan gynnwys endidau’r llywodraeth, cyrff rheoleiddio, grwpiau diwydiant a’r cyhoedd yng Nghymru. Mae Rhys hefyd yn gyfrifol am holl faterion cydymffurfio a safonau golygyddol BBC Cymru.

Bu Rhys hefyd yn arwain y gwaith o ddatblygu cynigion ar gyfer yr Adolygiad o’r Siarter, yn ogystal â goruchwylio’r gwaith o ddigideiddio archif BBC Cymru fel rhan o’r broses o symud i’r Sgwâr Canolog. Bu hefyd yn chwarae rhan allweddol yn y gwaith o sefydlu Archif Ddarlledu Genedlaethol Cymru, mewn partneriaeth â Llyfrgell Genedlaethol Cymru a Sefydliad Treftadaeth y Loteri Genedlaethol.

Ymunodd Rhys â BBC Cymru fel ymchwilydd a bu’n gweithio ym maes rhaglenni newyddion a materion cyfoes fel gohebydd a chynhyrchydd. Am 17 mlynedd, bu’n arbenigo mewn rhaglenni gwleidyddol a bu’n Ddirprwy Bennaeth Newyddion a Materion Cyfoes am chwe blynedd, gan oruchwylio Etholiadau Cyffredinol y Deyrnas Unedig ac etholiadau datganoledig eraill. Yn 2021-22, bu Rhys yn gymrawd newyddiadurol yn Sefydliad Reuters ar gyfer Astudiaethau Newyddiaduraeth.

Daw Rhys yn wreiddiol o Gaerfyrddin, a chafodd ei addysgu yn Ysgol Gyfun Penweddig yn Aberystwyth a Choleg Hertford, Rhydychen; lle bu’n astudio Hanes Modern.

Yn 2006, enillodd Rhys wobr Llyfr y Flwyddyn am ei fywgraffiad am y gwleidydd Cymreig, Gwynfor Evans.

Mae Rhys hefyd yn un o Gyfarwyddwyr Anweithredol y Coleg Cymraeg Cenedlaethol.