CBN's N50bn COVID-19 Loans: Àlàyé rè é lórí bí o ṣe lè rí owó náà gbá

Ijọba orilẹede Naijiria ti ri eto iranwọ fun awọn eniyan lede lati dẹkun ipalara ti ajakalẹ arun Coronavirus ni lori awọn eniyan ati ọrọ aje wọn.

Ọna kan gboogi ti ijọba gbe kalẹ ni eleyii ti Banki apapọ lorilẹede Naijiria, CBN ti pese eto iyawo to le ni aadọta biliọnu Naira fun awọn ọmọ Naijiria.

Eto ẹyawo naa ni ile ifowopamọ awọn olowokekeeke NIRSAL Microfinance Bank ṣe onigbọwọ fun.

Amọ ọpọlọpọ awọn ọmọ Naijiria ko mọ boya wọn ni anfaani lati ya owo yii, abi kii ṣe fun wọn

CBN's Targeted Credit Facility (TCF)

Eyi ni agbekalẹ Banki apapọ lorilẹede Naijiria, CBN lati ṣeranwọ fun awọn eniyan lati le ṣeranwọ fun wọn nitori ipalara ti ajakalẹ arun Coronavirus da silẹ fun awọn ọmọ Naijiria ati idokowo wọn.

Ileeṣẹ Banki apapọ CBN ti gbe iye owo toto aadọta biliọnu Naira silẹ fun eto yii ni ileeṣẹ ifọwopamọsi NIRSAL Microfinance Bank ṣe onigbọwọ fun un.

Alaye re e lori ipele mẹta ti wọn pin awọn ọmọ Naijiria to ni anfaani lati ya owo CBN naa si;

Ojule si Ojule - Households

Awọn idile ni anfaani lati gba ẹyawo yii ti wọn ba ni ẹri to daju pe aarun Coronavirus ṣekupa ohun ti wọn n ṣe lati ri ounjẹ ọjọ wọn.

Nitori naa awọn wọnyii loni anfaani lati gba eto iyawo yii lọwọ ijọba Naijiria.

Oniṣowo kekeeke - Microenterprises

Bakan naa ni awọn ileeṣẹ kekeeke ni anfaani lati bere fun ẹyawo yii lọwọ ijọba apapọ.

Amọ awọn ileeṣẹ ti wọn le e fi aridaju lede pe lọọtọ ni aarun Coronavirus ba ọrọ aje wọn jẹ, ti wọn si nilo iranwọ ijọba lati gbera pada.

Ileeṣẹ kekere ati nla - SMEs

Awọn ọmọ Naijiria to ni ileeṣẹ kekere ati nla naa le bere fun ẹyawo yii lati mu ọrọ aje wọn pada.

Ileeṣẹ NIRSAL Microfinance Bank ni awọn ileeṣẹ yii gbọdọ ni aridaju pe lootọ ni aarun Coronavirus ṣe ipalara fun wọn.

Bakan naa ni wọn fikun pe ẹni kọọkan ati ileeṣẹ to ba pegede yoo ni anfaani lati ri iye owo toto miliọnu marundinlọgbọn naira gẹgẹ bi owo iranwọ.

Awọn to ba fẹ eto iranwọ yii le e lọ si oju opo ayelujara NIRSAL Microfinance Bank lati lọ fi orukọsilẹ

Awọn ọna miran ti ileeṣẹ Banki apapọ lorilẹede Naijiria tun gbekalẹ fun awọn ọmọ Naijiria lati ya owo ni the Guaranteed Off-take Stimulus Scheme (GoS) and the General MSME Grant.