Nigerians Evacuated from UK: Àyẹ̀wò fihàn pé ọmọ Nàìjíríà 215 láti UK kò ní coronavirus

Idunnu ṣubu layọ fawọn abọde lati ilẹ Gẹẹsi si Naijiria lẹyin ayẹwo fihan pe ko si ẹni to ni aarun coronavirus ninu wọn.

Awọn ọmọ Naijiria naa ti wọn jẹ okoo le lugba o din marun un ni wọn gunlẹ si papakọ ofurufu ilu Eko lọjọ kẹjọ oṣu karun un yii.

Lati ilu Eko ni ijọba ti ko wọn lọ si Abuja nibi ti wọn wa fun iyasọtọ fun ọsẹ meji gẹgẹ bi alakalẹ ajọ eleto ilera lagbaaye, WHO ṣee laa kalẹ.

Agbẹnusọ awọn eeyan naa, Muyiwa Lucas to bawọn akọroyin sọrọ ṣalaye pe ijọba ṣe itọju awọn daadaa ni ibudo iyasọtọ tawọn wọn fun ọsẹ meji l'Abuja.

O ni ohun to dabi iṣoro diẹ ti awọn koju rẹ ni bi ajọ NCDC ko ṣe tete sọ esi ayẹwo tawọn ṣe fun awọn.

O ni awọn ti ṣeto bi awọn yoo ṣe wọ ọkọ ofurufu pada si ilu Eko bayii.