Bayern vs PSG: Haaland báwo? Mbappe ló dáná sun Bayern Munich ráúráú nílé wọn
Oríṣun àwòrán, Getty Images
Bi ọmọ ẹni ba dara, ẹ jẹ ka wi nitori a o ni fi ṣe aya.
Orukọ Kylian Mbappe lo gbẹnu awọn ololufẹ ere bọọlu lalẹ Ọjọru lẹyin to gbarada ninu ifẹsẹwọnsẹ UEFA Champions League ti Paris St-Germain gba pẹlu Bayern Munich.
Goolu meji ọtọtọ ni Mbappe gba sawọn ninu ere bọọlu ti PSG ti da ṣeria fun Bayern pẹlu ami ayo mẹta si meji nile wọn.
- Èèmọ̀! West Brom fi omi àbùkù wẹ̀ fún Chelsea lọ́sàn án gangan nílé wọn
- Dáa padà! Àwọn alátìlẹ́yìn Buhari fàdúrà jagun lòdì sáwọn tó ń fẹ̀hẹ́nùhàn lé e kúrò ní London
- Asọtẹ́lẹ̀ ikú Yinka Odumakin ti jáde sí wa tẹ́lẹ̀, ẹbí gbàdúrà, àmọ́...- Jacob Odumakin
- Owó àti dúkìá Dongote, Adenuga àti Rabiu tún yarọ síi pẹ̀lú $5.7bn- Forbes
- Mo ti padà sí ẹ̀sìn òwúrọ̀ mi o! Ẹ̀ gbé Ọlọ́run tóbi - Yomi Fabiyi
- Sotayo Gaga bẹ́ "speaker" ọdún tó ti ṣegbéyàwó àti ohuin tó fi pamọ́
- Mọ̀ síi nípa bàbá olówó ọmọ Nàìjíríà yii to ni ọkọ̀ òfúrufú mẹfà àti ohun mèremère tí kò lóǹkà láyé
Ifẹsẹwọnsẹ naa jẹ bi ẹsan fun PSG nitori awọn ni Bayern lu ninu ifẹsẹwọnsẹ aṣekagba idije Champions League ti saa to lọ ti wọn fi gba ife ẹfẹ naa.
Lẹyin iṣẹju mẹta pere ti wọn bẹrẹ ere bọọlu ọhun ni Mbappe gbayo akọkọ sawọn.
Balogun ẹgbẹ agbabọọlu PSG, Marquinhos lo gba goolu keji wọle fun ikọ naa.
Amọ, ẹgbẹ agbabọọlu Bayern ja rabu rabu, Eric Maxim Choupo-Moting ati Thomas Mueller da goolu mejeeji pada.
Oríṣun àwòrán, Getty Images
Ṣugbọn Mbappe kan Bayern ni eyi ọọkan lẹyin to gba goolu mi sawọn nigba ti ere bọọlu ọhun ku iṣẹju mejilelogun ko pari.
Ipele keji ifẹsẹwọnsẹ yii yoo waye nile PSG laipẹ yoi lati mọ ẹni ti yoo pegede fun ipele to kangun si aṣekagba.
Ti ẹ o ba gbagbe, Mbappe gba goolu mẹta sawọn nigba ti PSG koju Barcelona ni ipele ti wọn gba sẹyin.
Ẹwẹ, ẹgbẹ agbabọọlu Chelsea naa fiya jẹ FC Port o mọ ile wọn ninu ere bọọlu UEFA Champions League keji to waye lalẹ Ọjọru.
Mason Mount ati Ben Chilwell lo gbayo mejeeji sawọn ninu eyi ti Chelsea ti fihan gbangba pe awọn kii ṣẹgbẹ Porto.
