Wo èníyàn 100 , tó fi mọ́ Bola Tinubu, tó gbajúgbajà jùlọ ní ágbàyé

Orukọ Aarẹ ti wọn ṣẹṣẹ dibo yan lorilẹede Naijiria, Aṣiwaju Bola Ahmed Tinubu ti wa lara awọn eniyan ọgọrun to gbajugbaja julọ ni agbaye.

Ileeṣẹ iroyin Time Magazine lo ri awọn orukọ naa lede, ti orukọ Tinubu si pẹlu awọn adari lagbaye bii ogun ti orukọ wọn wọ inu akọsilẹ naa.

Ileeṣẹ iroyin naa ni Tinubu sẹ ohun ti ẹnikan ko ‘seri pẹlu bi o ṣe bori ninu idibo sipo aarẹ lorilẹede Naijiria lẹyin to ti lo ogun ọdun lati gbaradi fun ipo aarẹ naa.

Akọsilẹ Time Magazine naa ni o ma n wo iṣẹ ribiribi ti awọn eniyan to gbajugbaja ṣe lagbaye, paapaa ni awọn iṣẹ ti wọn yan laayo.

Alaye ree lori idi ti Tinubu fi wa lara awọn eeyan to laami laaka julọ lagbaye

Ileesẹ iroyin Times ni ''Kii ṣe ohun to dẹrun ni lati bori ninu idibo sipo aarẹ lorilẹede Naijiria.''

''Gẹgẹ bi aarẹ ti wọn ṣẹṣẹ dibo yan, Bola Tinubu gbaradi fun ipo yii fun odidi ogun ọdun.''

''Jagaban to tumọ si olori awọn ologun lo jẹ ẹni ọdun mọkanlelaadọrin, to dibo sipo aarẹ fun igba akọkọ ni Naijiria pẹlu akọle pe 'Emi lo kan’.

''Ni ọdun 1999, Tinubu wa lara awọn to ja fun ijọba tiwantiwa lati pada si Niajiria lẹyin ti wọn koju ijọba ologun, to si dipo gomina ipinlẹ Eko mu fun saa meji.''

Bakan naa ni ileeṣẹ iroyin naa ko ṣẹnu po lori awọn ipenija to tẹle eto idibo to gbe Tinubu wọle.

''Bi o tilẹ jẹ pe Tinubu bori ninu idibo naa amọ ohun to fi bori ko pọ rara, ti ọpọ ninu awọn ọdọ si fẹ ki ẹni to gbe ipo kẹta, Peter Obi jẹ aarẹ.''

''Nibayii, Tinubu yoo maa tukọ orilẹede ti ẹlẹyamẹya ti ṣe bi ẹni pe o gbinlẹ si ati iwa jẹgudujẹra to fi mọ ija ẹsin ati awọn ikọ agbebọn ati Boko Haram to doju eto aabo Naijiria bolẹ.''

''Bakan naa ni Tinubu yoo maa koju awọn to fidirẹmi ninu idibo naa ni ileẹjọ lati fi idi rẹ mulẹ pe boya lootọ lo jawe olubori ninu idibo naa.''

Orukọ dokita mii lati Naijiria, Dimie Ogoina , wa lara wọn to laami laaka julọ lagbaye

Awọn miran ti orukọ wọn wa ninu akọsilẹ naa ni Dokita Dimie Ogoina to jẹ Ọjọgbọn nipa imọ ajakalẹ aarun ni fasiti UCLA ni Amẹrika.

Oun lo pe akiyesi awọn onimọ lagbaye si ajakalẹ arun Monkeypox, to ṣewadii rẹ fun bii ogun ọdun.

Ilu Okolobiri to wa nipinlẹ Bayelsa lorilẹede Naijiria ni onisegun oyinbo naa ti wa.

Dokita naa ni wọn lo la awọn eniyan lọyẹ nipa ajakalẹ aarun Monkeypox, to si pe akiyesi sii, ki aarun naa ma ba di nkan miran ni agbaye bii Coronavirus.

El Anatsui lati Ghana, Lionel Messi, adari ileeṣẹ Tiktok, Shou Zi Chew ati awọn miran lo gba ami ẹyẹ naa fun ọdun 2023.

Orukọ awọn ọmọ Naijiria to ti wọ inu akọsilẹ yii ni aarẹ Muhammadu Buhari, Ngozi Okonjo-Iweala, Tony Elumelu, Oby Ezekwesili, Chimamanda Adichie ati awọn miran.

Wo awọn eeyan ọgọrun ti orukọ wọn wa lara awọn to laami laaka lagbaye

Michael B. Jordan

Drew Barrymore

Ali Wong

Austin Butler

Aubrey Plaza

Rian Johnson

Salma Hayek Pinault

Zoe Saldaña

Judy Blume

Colin Farrell

Lea Michele

Simone Leigh

Wolfgang Tillmans

Suzan-Lori Parks

Neil Gaiman

Shervin Hajipour

El Anatsui

Colleen Hoover

Steve Lacy

Jennifer Coolidge

Ke Huy Quan

Sara Mardini and Yusra Mardini

Shah Rukh Khan

Pedro Pascal

Brittney Griner

King Charles

Salman Rushdie

RowVaughn Wells

Tracie D. Hall

Peng Lifa

Shannon Watts

Haluk Levent

Imara Jones

Yvon Chouinard

Doja Cat

Mikaela Shiffrin

Bella Hadid

Sam Altman

Niloofar Hamedi and Elaheh Mohammadi

Thom Browne

S.S. Rajamouli

MrBeast

Elizabeth Maruma Mrema

Britney Schmidt and Peter Davis

Sam Rivera

Robin Zeng

Edward Reynolds

Margaret Mitchell

Olena Zelenska

Luiz Inácio Lula da Silva

Hakeem Jeffries

Evan Gershkovich

Janet Yellen

Sherry Rehman

Mitch McConnell

Anthony Albanese

Margrethe Vestager

Joe Biden

Samuel Alito

Gustavo Petro

Gina Raimondo

Oleksandra Matviichuk

Fumio Kishida

Cindy McCain

María Herrera Magdaleno

Olaf Scholz

Bola Ahmed Tinubu

Min Aung Hlaing

Angela Bassett

Laurene Powell Jobs

Lionel Messi

Padma Lakshmi

Johan Rockstrom

Beyoncé

Patrick Mahomes II

Elon Musk

Gina Prince-Bythewood

Karen Lynch

Shou Zi Chew

Ozlem Tureci and Ugur Sahin

Deborah Lipstadt

Bob Iger

Sarah Kate Ellis

Kylian Mbappé

Natasha Lyonne

Monica Simpson

Nathan Fielder

Wanjira Mathai

Hidetaka Miyazaki

Jerrod Carmichael

Catherine Coleman Flowers

Sean Sherman

Iga Swiatek

Kate Orff

Dimie Ogoina

Andrea Kritcher