Ikọ̀ agbábọ́ọ̀lù alápẹ̀rẹ̀ Nàìjíríà, D’Tigress lu Australia ní Olympics pẹ̀lú 75 sí 62
Oríṣun àwòrán, x/D'Tigress
Ikọ agbabọọlu alapẹrẹ awọn obinrin Naijiria, D’Tigress ti bẹrẹ ikopa wọn ni idije Olympics Paris 2024 lọwọ ẹrọ pẹlu gbigbo ewuro si ẹnu awọn akẹgbẹ wọn lati orilẹede Australia.
Australia lo wa ni ipo kẹta pepele igbelewọn awọn ikọ agbabọọlu alapẹrẹ awọn obinrin lagbaye.
Ninu ifẹsẹwọnsẹ wọn to waye lọjọ Aje ni ilu Lille ikọ D’Tigress fi ajulọ han Australia pẹlu apẹrẹ marundinlọgọrin si mejilelọgọta.
Esi Ifẹsẹwọnsẹ naa mu ko jẹ igba keji ti ikọ D’Tigress yoo maa bori ifẹsẹwọnsẹ ni idije Olympics. Ọdun 2004 ni wn kọkọ ṣe bẹẹ nigba ti wọn fi ajulọ han South Korea pẹ̀lu apẹrẹ mejidinlaadọrin si mẹrinlelọgọta.
Oríṣun àwòrán, x/D'Tigress
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
Amọṣa igba akọkọ niyi ti wọn yoo maa bori ninu ifẹsẹwọnọsẹ akọkọ yoowu ti wọn yoo gba ni idije Olympics.
Fun Australia, igba keji ni ṣisẹ n tẹle ree ti wọn yoo maa jẹ iya ajẹpọnula. Tẹlẹ nṣe ni wọn maa n ṣe awure iya fun awọn orilẹede yoowu ti wọn ba koju.
Pẹlu esi ifẹsẹwọnsẹ yii, ikọ D’Tigress ti ọs orilẹede Naijiria di orilẹede akọkọ ni Afirika ti yoo bori Australia ni idije ife yẹ agbaye ati Olympics.
