Wo obìnrin àkọ́kọ́ tí yóò lọ sínú òfurufú láti ilẹ̀ Adúláwọ̀

Ko si ohun ti ọkunrin ṣe ti obinrin naa ko le ṣe, gẹgẹ bi wọn ṣe maa n sọ.

Bẹẹ gan an lọrọ ri pẹlu Sara Sabry to jẹ obinrin akọkọ ti yoo lọ sinu ofurufu lati ilẹ Afirika.

Sabry ni awọn obinrin ko nilo ironilagbara ti ọpọ maa n pe fun fawọn obinrin, tori awọn obinrin ti ni gbogbo agbara ti wọn nilo.

O ni nnkan ti awọn obinrin nilo ni ibadọgba.

Sabry ni jijẹ obinrin akọkọ ti yoo lọ sinu ofurufu lati ilẹ Afirika jẹ ohun iwuri nla.

‘’Wọn maa n sọ fun wa ni orilẹede wa pe ko ṣeeṣe.

Eyi gan an lo fi jẹ ohun apọnle ati awokọṣe nla ti n ko fi ọwọ yẹpẹrẹ mu.

Wọn mu mi lọ sinu ofurufu laarin ẹgbẹẹgbẹrun eeyan kaakiri agbaye,’’ Sabry lo sọ bẹẹ.

O ni oun ti maa n ṣe oriṣiiriṣii nnkan tẹlẹ tori pe oun nifẹ sawọn iru bẹẹ.

Sabri ni oun ti kẹkọọ nipa imọ ẹrọ nitori o wu oun ati lati mọ bi ile aye ṣe n ṣiṣẹ.

Bakan naa ni o sọ pe oun maa n nifẹ lati wa ojutuu si iṣoro, oun ṣi maa n ṣe eleyi pẹlu igboya.

Sabri ni ‘’lati iran kan de iran mii titi de iran oun lawọn eeyan ti maa n ro pe awọn obinrin ko le ṣe awọn nnkan kan tori pe wọn jẹ obinrin.

Lati igba ti mo ti de lati inu ofurufu ni mo ti n ṣiṣẹ lori awọn nnkan kan lati maye dẹrun fawọn eeyan kaakiri agbaye.

Mo ṣi tun n kẹkọọ lọwọ lori ati gboye imọ ijinlẹ Ọmọwe ni ile ẹkọ giga fasiti lori ewu to wa ninu ofurufu.