Nigeria Twitter Ban: Mínísítà Lai Mohammed fí ìkìlọ tuntun síta lórí àwọn ọmọ Nàìjíríà tó n ló VPN

Minisita feto iroyin lorileede Naijiria Lai Mohammed tun ti da si ọrọ to gbode nipa iwọgile Twitter ni Naijiria.

Eyi to sọ laipẹ yi nii ṣe pẹlu ọrọ lilo VPN to jẹ ọna ẹburu tawọn ọmọ Naijiria fi n lo Twitter lati igba ti ijọba ti fofin de lilo rẹ.

Minisita Lai ṣe ọrọ naa bi ikilọ pe kawọn ọmọ Naijiria jawọ nibi lilo VPN.

O fi ọrọ yii lede lasiko to n dahun ibeere niwaju igbimọ ile aṣojuṣofin orileede Naijiria eyi to n gbẹjọ lori aṣẹ "ma lo Twitter" ti ijọba gbe kalẹ.

Lai Mohammed sọ pe''amọran mi si ẹnikẹni to baa n lo VPN ni pe ko jawọ nibẹ. Idi ni pe bi o ba lo VPN yoo tu gbogbo aṣiri data yin to fi mọ akoto akanti ifowopamọ yin''.

O ṣalaye pe ''awọn to ba ro wi pe awọn n ṣe Lai Mohammed nipa lilo VPN, ara wọn ni wọn n ṣe''.

Ilé ẹjọ́ ECOWAS pàṣẹ fún Naijiria láti gbẹ́sẹ̀ kúrò lórí òfin tó fi de Twitter

Ajọ Ecowas ti ka ijọba Naijiria lọwọ ko pe ko gbọdọ fi ofin gbe ẹnikẹni tabi fi iya jẹ wọn nitori pe wọn lo ayeljuara Twitter ni Naijiria.

Ileeṣẹ ẹjọ Ecowas to wa ni Abuja lo pa aṣẹ na lasiko igbẹjọ akọkọ to waye lori ofin to de ayelujara naa lati ọjọ kẹrin, oṣu Kẹfa.

Aṣẹ yii waye lẹyin ti awọn ẹlẹgbẹjkgbẹ kan pe ẹjọ pe ọna lati fi ofin de ominira ọrọ sisọ ni igbesẹ ijọba bo sẹ fi ofin de lilo Twiter.

Ile ẹjọ na sọ pe anfaani araalu ni si Twitter mu ki o rọrun fun wọn lati le ma sọ ọrọ pẹlu ominira - ti igbesẹ to ba tako eyi si tumọ si titẹ ẹtọ ọmọniyan loju.

Ẹgbẹ to n ja fun akoyawọ nidi ọrọ aje, Socio-Economic Rights and Accountability Project, SERAP, ati awọn ọmọ Naijiria bi 170 lo pawọpọ , to si lọ si ile ẹjọ naa pe ko paṣẹ pe titẹ ẹtọ ọmọniyan loju ni igbesẹ ijọba Naijiria lori ọrọ Twitter, tumọ si labẹ ofin agbaye.

Ijọba fi ofin de lilo oju opo ayelujara Twitter lẹyin ti oju opo naa pa ọrọ kan ti Aarẹ Muhammadu Buhari kọ sibẹ, nitori pe o tako ilana lilo oju opo naa.

Nibi igbẹjọ naa to waye lori ayelujara ni ọjọ Iṣẹgun, agbẹjọro agba to tun jẹ ajafẹtọ ọmọniyan, Femi Falana, to ṣoju awọn ẹlẹgbẹjẹgbẹ naa bẹ ile ẹjọ naa lati fi ofin de ijọba Naijiria pe ko ma mu ẹnikẹni tabi fi iya jẹ wọn labẹ ofin nitoir pe wọn lo Twitter.

Ààrẹ Buhari fọwọ́sí kí Lai Mohammed, Fashola àti Malami jíròrò pẹlú 'Twitter'

Aawọ laarin orileede Naijiria ati ileeṣẹ ibaraẹnisọrọ oju opo ayelujara Twitter ṣeeṣe ko ni iyanju lai pẹ yi.

Idi ni pe aarẹ Muhammadu Buhari ti buwọlu ki ijọba Naijiria jiroro pẹlu ileeṣẹ naa.

Ọrọ yi jẹyọ ninu atẹjade kan ti Minisita eto ibaraẹnisọrọ Lai Mohammed fi sita lọjọ Iṣẹgun.

Gẹgẹ bi Segun Adeyemi to n gbẹnusọ fun Minisita Lai ti ṣe sọ, Lai Mohammed ni yoo dari ikọ Naijiria ti yoo jiroro pẹlu Twitter.

Awọn eeyan miran ti yoo kọwọrin pẹlu Minisita lati jiroro ni agbẹjọro agba Naijiria Abubakar Malami, Minista feto ẹrọ ibaraẹnisọrọ ati eto ọrọ ajẹ ayelujara,Issa Ali Pantami.

Bẹẹ naa ni Minisita fọr ilẹ okere ati Minisita fọrọ iṣẹ ile ati oju ọna Babatunde Fashola yoo pẹlu igbimọ yi.

Segun Adeyemi fi kun ọrọ rẹ ninu atẹjade naa pe Twitter lo bveere fun ijiroro pẹlu ijọba Naijiria.

Bi a ko ba gbagbe, ijọba Naijiria ti ṣaaju fofin de lilo Twitter nilẹ naa lẹyin ti oju opo naa yọ ọrọ ti aarẹ Buhari kọ.

Alaye ti ijọba ṣe lori igbesẹ yi ni pe iṣẹ Twitter le ṣe akoba fun igbe aaye alaafia ni Naijiria.