Herdsmen Crisis: A kò ní f'ayé gbà darandaran tí kò bá forúkọsílẹ̀ láàrin ọsẹ̀ méjì l'Ekiti

Awon ọmọ ẹgbẹ Ekitiparapo ni ipinlẹ Eko ati ẹgbẹ Ekitipanupo ti wọn jẹ meji laarin gbajumọ ẹgbẹ fun ọmọ Ekiti nilu okeere tí sọ wipe ki Gomina Kayode Fayemi sọra lori ọrọ awon daandaran pẹlu titẹwọ gba eto sisin ẹranko ti ijọba apapọ ṣeto, iyẹn National Livestock Transformation Programme.

Awon oludari fun awọn ọmọ Ekiti nilu okeere sọrọ yii lẹyin ti BBC News Yoruba kọ iroyin wipe ijọba ipinlẹ Ekiti fi ikilọ sita fawọn darandaran ati agbẹ ni ipinlẹ naa lati forukọsilẹ laarin ọsẹ mẹji bi bẹẹ kọ oju ọdaran lawọn yoo fi wo wọn.

Iroyin ọhun sọ wipe ijoba Ekiti ṣalaye eto iforukọsilẹ bi oṣe ṣe pataki ki awọn baa le mọ onka awọn agbẹ ati darandaran.

Kí ló wá nínú àbádòfin pínpín omi àti àwọn ǹkan inú omi tó ń mú awuyewuye wa?

Ninu atẹjade ti Aarẹ Ekitiparapo Lagos, Dare Ojo ati Olori awọn Ekitipanupo Roundtable Initiative, Alagba Gabriel Akinyemi fun awọn ọmọ Ekiti to wa nilu okeere sọ wipe igbesẹ naa jẹ ohun ifiyesi lori itewọgba eto naa lati ọwọ ipinle ọhun jẹ ohun iyalẹnu lati fi ilẹ fun awọn darandaran fun jijẹko.

Atẹjade naa tun sọ wipe "A ṣe akiyesi pe Ijọpa apapọ ni ọdun meji sẹyin ti ṣe agbekalẹ RUGA, eyiti o tun wa ni orukọ iyipada si National Livestock Transformation Programme pẹlu awọn ete kan naa fun pipin ilẹ fun awọn darandaran latara idii jijẹ ati ibugbe".

Ojó ati Akinyemi sọ pe: "Nitori abajade jijẹ ti ailaabo nipasẹ awọn darandaran ni ipinlẹ naa, o jẹ aibalẹ ọkan pe ijọba ipinlẹ naa le ronu awọn darandaran ibi ipamọ ọja ni ipinlẹ naa.

A o ranti wipe, ni ọjọ kẹrindinlọgbọn osu kinni, iroyin jade pe awọn darandaran run oko ọgbọn miliọnu 235 ti ọpọlọpọ miliọnu Naira ti o jẹ ti awọn ọmọ ẹgbẹ ti agbado awọn alagbata ati awọn onija ọja.

Ba kan naa, ni ọjọ kẹrindinlogun, oṣu kinni, awọn darandaran pa alaboyun kan ni Ijọba agbegbe Ido / Osi; awọn darandaran pa awọn agbẹ meji ni oṣu Kẹta ọjọ keje ni Isaba-Ekiti.

Atẹjade naa tun sọ wipe, "iku miiran ni igbasilẹ to waye ni opopona Ikere- Iju ni oṣu kẹta ọjọ kẹtala, laarin ọpọlọpọ awọn iṣẹlẹ miiran. Awọn opopona ti o so Aramoko si Ijero, Ikere si Iju ati awọn ipade Ita-Ore ti di awọn ibi ole jija bayii. O ni "ọpọlọpọ awọn eniyan ko le wa si ile nitori iberu awọn ajinigbe".

Ọsẹ̀ méjì péré là fún ẹyín darandaran láti forúkọsílẹ̀ bí bẹ́ẹ̀ kọ́ - Ìjọba Ekiti

Ijọba ipinlẹ Ekiti ti fi ikilọ sita fawọn darandaran ati agbẹ ni ipinlẹ naa lati forukọsilẹ laarin ọsẹ mẹji bi bẹẹ kọ oju ọdaran lawọn yoo fi wo wọn.

Ikilọ yi n waye lẹyin ti gbedeke ọsẹ meji ti wọn ṣaaju fun wọn tẹlẹ dopin.

Anfaani ọsẹ meji tuntun yi yoo bẹrẹ lati ọjọ Aje,ọjọ kejilelogun oṣu Kẹta.

Kọmisana feto iṣẹ agbẹ ati ipese ounjẹ Olabode Adetoyi ninu atẹjade to fi sita ni Ekiti sọ pe eto iforukọsilẹ yi di dandan kawọn baa le mọ ounka awọn agbẹ ati darandaran.

Bakan naa lo ni awọn n seto yi ki alaafia baa le jọba laarin awọn ikọ agbe ati darandaran lọna ti mu opin ba ija lemọlemọ to n waye laarin wọn.

O ni eleyi si tun wa ni ibamu pẹlu eto ayipada iṣẹ sisisn ẹranko tiijọba apapọ ṣeto, iyẹn National Livestock Transformation Programme.

Oluranlọwọ pataki si Gomina Kayode Fayemi lori ọrọ aabo,Ọgagun Ebenezer Ogundana, to si tun jẹ alaga igbimọ ipẹtusaawọ agbẹ ati darandaran naa tẹnu bọrọ yi.

Ninu atẹjade to fi sita , o ni ẹnikẹni ti ko ba forukọsilẹ oju ọdaran lawọn yoo fi wo.

O ni irufẹ awọn eeyan bẹ, awọn yoo paṣẹ fun wọn lati fi ipinlẹ awọn silẹ ni.

Lakotan, adari ileeṣẹ iyipada ati atunto ọjọgbọn Mobolaji Aluko sọ fun ileesẹ iroyin NAN pe ọfẹ lawọn yoo pin kaadi idanimọ fawọn agbẹ ati darandaranto ba forukọ silẹ.