EndSARS: Olórí ilé aṣofín-ṣòfin ní ìṣúnà 2020 gbọdọ̀ pèsè owó fún ASUU bí bẹ́ẹ́kọ̀...

Olori ile asoju-sofin nilẹ wa, Femi Gbajabiamila ti sọrọ nipa awọn isẹlẹ to se koko to n waye nilẹ wa, paapaa iwọde EndSARS.

Gbajabiamila, ẹni to sọrọ yii ninu akanse ọrọ to bawọn araalu atawọn asoju-sofin sọ nibi ijoko ile asoju-sofin to waye lọjọ Isegun, wa kede awọn igbesẹ to fẹ gbe loti yanju awọn isẹlẹ naa.

Gbajabiamila ni lakọkọ, oun ko ni buwọ lu eto isuna ọdun 2020 lai jẹ pe o pese owo iranwọ fawọn mọlẹbi awọn eeyan to jalaisi lasiko iwọde naa.

Àwọn iròyin tì ẹ leè ní ìfẹ̀ síí:

Bakan naa lo ni oun ko ni buwọlu eto isuna ọhun, ti ko ba pese owona fun ẹgbẹ ASUU lati wa idahun si ohun ti wọn n beere fun.

Olori ile asoju-sofin ni ile asofin naa yoo tun ri daju pe ijọba gbe igbesẹ lati se atunse ati atunto awọn ileeẹkọ giga gbogbo nilẹ wa, ti yoo fi ba ode oni mu.

O ni oun ko ni buwọlu eto isuna naa, ti ko ba ya owo nla sọtọ lati se atunse awọn ileẹkọ giga wa.

Ko tan sibẹ, Gbajabiamila tun ni oun yoo ri daju pe oun kan sawọn mọlẹbi awọn eeyan to padanu ẹbi wsn lasiko iwọde EndSARS yii, lati tu wọn ninu.

O fikun pe, Ile asofin yoo tun saayan lati ri daju pe aba ofin to n se atunto si eto idibo nilẹ wa dohun, lọna ti pese idibo to mọyan lori ni Naijiria.

Olori ile asoju-sofin tun fọwọ gbaya pe atunse ofin ilẹ wa yoo waye, eyi ti yoo mu ko dangajia lati fidi ẹtọ ọmọniyan mulẹ.

Bakan naa lo ni ile asofin yoo sisẹ lori ọna tawọn ẹkun kọọkan yoo fi maa se akoso awọn ohun alumọọni to wa ni ẹkun wọn, gẹgẹ bawọn ọmọ ilẹ yii ti n fẹ.

Gbajabiamila wa koro oju si iwa ta ni yoo mu mi tawọn ọlọpaa n hu, to si ni wọn ko ga ju ofin lọ lọna kọna, eyi to ba si tapa si ofin, lo yẹ ki ọbẹ ofin ba.