Yinka Ayefele: Aláàánú kan fi kẹ̀kẹ́ tuntun ta akọrin Tungba lọ́rẹ

Gbajugbaja olorin juju nni, Yinka Ayefele ti le e naro bayii lori ẹsẹ rẹ to ba wu u.

Eyi ko si ṣẹyin kẹkẹ igbalode kan to ni awọn eroja irọrun to ṣe e yi si ọtun ati osi, oke ati ilẹ, ibi to ba si wu eeyan, lo le e yi kẹkẹ naa si.

Yinka Ayefele, lo kede pe o ti rọrun fun oun bayii lati rin pẹlu kẹkẹ tuntun naa loju opo Instagram rẹ lọjọ Ẹti.

O fikun pe ẹlẹyinju aanu kan, to pe orukọ rẹ ni Hon Obama Oludare Akande lo fun oun ni kẹkẹ tuntun naa fun oun lati orileede Amẹrika.

Ayefele ni "Mo le duro kọrin nibikibi bayii pẹlu kẹkẹ tuntun naa, 'action' bẹrẹ bayii, mo dupẹ pupọ lọwọ Dare Obama."

Akọrin Tungba naa fikun pe "irọrun de ba mi gidi bayii pẹlu kẹkẹ tuntun naa, Dare Obama tun ti fun mi ni ireti lati rin pada,."

O wa gbadura fun Alaanu naa pe ko ni mọ inira nile aye rẹ.

Bẹẹ ba gbagbe, o ti le ni ogun ọdun ti gbajumọ akọrin ẹmi naa ti padanu ọ̀pá ẹyin rẹ, ti ko si lee rin mọ nitori ijamba ọkọ to waye.