Victor Osimhen Salary: $96m ni wọ́n ra atamátàsé náà láti Lille

Ẹgbẹ agbabọọlu Napoli ti tọwọ bọ iwe adehun lati ra ọmọ Naijiria to n gba bọọlu fun ikọ Lille, Victor Osimhen.

Gẹgẹ bi iroyin ti ileeṣẹ L'Equipe gbe jade, iye owo ti wọn ra agbabọọlu naa lati ilẹ France lọ si iha 'Italian Serie A' le ni miliọnu mọkanlelọgọrin pọun.

Eyii to n tumọ si pe Victor ni agbabọọlu lati ilẹ Afrika ti iye owo ti wọn ra a pọ julọ.

Iye owo ti Napoli san lori Osimhen pọ ju iye owo ti Arsenal san fun Lille lati ra ọmọ orilẹ-ede Ivory Coast, Nicolas Pepe ni nkan bii ọdun kan sẹyin.

Lẹyin ti ẹgbẹ agbabọọlu Lille ta Pepe ni Osimhen darapọ mọ ikọ ọhun lati ikọ Charleroi, to wa lorilẹ-ede Belgium.

Lẹyin to sọ goolu mejidinlogun ṣawọn fu ikọ Lille ni saa to kọja ni oju ti wa lara rẹ pe o ṣeeṣe ko tẹkọ leti lọ si Napoli laipẹ.

Lẹyin ti idunadura naa pari ni Osimhen sọ loju opo Twitter rẹ pe inu oun dun lati darapọ mọ Napoli, koda o ni niṣe lo dabi pe ki oun ti wa lori papa.