Tunde Bakare: Irọ́ ni, mi ò sọ pé mọ fẹ di Ààrẹ ní 2023

Ìye àkókó tí a fi kà á: Ìṣẹ́jú 1

Pasitọ ati Olori Ijọ Latter Rain Assembly, Tunde Bakare ti ni irọ patapata ni iroyin ẹlẹjẹ wi pe oun lo ma a gba ipo aarẹ ni ọwọ Aarẹ Muhammadu Buhari.

Bakare sọ eyi lasiko to n ba awọn ara ijọ rẹ ni agbeegbe Ọgba ni ipinlẹ Eko, sọrọ ni Ọjọ Isinmi.

O sọ wi pe fidio ti oun fi sita lati bi ọdun diẹ sẹyin ni awọn eniyan miran ṣẹṣẹ n gbe jade lati fi ba oun lorukọ jẹ.

O ni Olorun fi osumare han oun nipa Naijiria, eleyii to fi han wi pe ayipada yoo deba orilẹ-ede Naijiria.

Bakan naa lo ni Igbakeji Aarẹ, Yemi Osinbajo yoo bori awọn ẹni ibi to n sọrọ kobakungbe nipa rẹ, ati pe awon ọta Oṣinajo yoo pofo.

Pasito Tunde Bakare fikun un wi pe Osinbajo ni yoo rẹrin igbẹyin lori awọn ọta rẹ, nitori naa ki o lọ sinmi pẹlu ifọkanbalẹ.