Анқарадаги портлаш ортидан Туркия Ироқдаги курдларни нишонга олди - Янгиликлар Yangiliklar Dunyo

Туркия ўз пойтахти Анқарадаги Ички ишлар вазирлигига уюштирилган ҳудкушлик ҳужумидан кўп ўтмай, Ироқ шимолидаги курд исёнчиларига қарши ҳаводан ҳужум қилганини айтди.

Ҳукуматнинг айтишича, 20дан ошиқ нишон ва ПКК (Курд ишчилар партияси) жангарилари йўқ қилинди.

Диққат: Ўзбекистон - Туркий давлатлар ташкилоти: Дабдабали чойхонами ё ҳақиқий ҳамкорлик?

Туркия: Чуқурлашаётган иқтисодий инқироз Эрдўғонни Ғарбга юзланишга мажбурламоқда

НАТО: Туркия ниҳоят Швеция аъзолигига рози, Украина эса ўз вазиятини "абсурд" дея қоралади – Янгиликлар

Кутилмаган янгилик: Туркиянинг Байрактари панд едими?

ПКК якшанба куни эрталаб Анқарада ўзини портлатган жангари ПККга алоқадор гуруҳнинг аъзоси бўлганини даъво қилган.

Ҳужумни амалга оширган иккинчи кишини полиция отиб ўлдирган. Икки полициячи жароҳат олган.

ПКК Туркия, Европа Иттифоқи, Британия ва АҚШда террорчи гуруҳ саналади.

Туркия Мудофаа вазирлиги билдиришича, якшанба куни амалга оширилган ҳаво зарбаларида ПКК фойдаланган ғорлар, омборлар ва бункерлар нишонга олинди.

Туркия бу ҳаво зарбаларини ўз чегаралари хавфсизлиги ва ўз аҳолисига қарши "террор ҳужумларини бартараф қилиш" мақсадида қилганини айтди.

Rudaw курд хабар агентлигига кўра, Туркия Эрон чегарасига яқинликда ПКК истеҳкоми деб кўрилган Қандил тепалигини нишонга олган.

Якшанба куни эрталаб Анқаранинг Отатурк кўчасида Туркия парламенти ёзги таътилдан сўнг илк сессиясини бошлашга шайланаётганда портлаш юз берди.

Портлаш учун масъулиятни олган "Ўлмаслар батальони" Мудофаа вазирлиги парламентга яқин бўлгани учун уни нишонга олганини даъво қилган.

Ҳодиса маҳаллий вақт билан соат 09:30да бошланди. Ҳужумчилардан бири машинадан чиқиб, қўриқчиларни чалғитиш учун вазирлик томон кичик бомбани улоқтирган.

Сўнг иккинчи ҳужумчи вазирлик дарвозасидаги қўриқчиларга ўт очган ва ўзини портлатиб юборган.

Биринчи ҳужумчи сўнг вазирлик ҳудудига югуриб кирганида полициячилар томонидан отиб ўлдирилган.

Икки полициячи жароҳат олган. Улардан бири кўкрагидан ўқ еган, иккинчисининг эса кўзи ва оёғига ўқ теккан.

Ички ишлар вазири Али Ерликая жароҳатлар оғир эмаслигини айтди.

Юқори даражали хавфсизлик зобитининг Би-би-сига айтишича, ҳужумчилар шанба куни Анқарадан 260 километрлик масофадаги Қайсери шаҳрида машина ўғирлашган.

Улар машинанинг эгаси бўлган 24 ёшли ветеринарни отиб ўлдирганлари айтилади.

Зобитнинг айтишича, ҳужумчилар қаердан келганини аниқлаш учун ҳозирда Қайсеридан Сурия чегарасигача бўлган хавфсизлик камералари текширилмоқда.

Парламент очилишида гапирган Президент Ражаб Тоййиб Эрдўғон ҳужумни "террорчиларнинг охирги нафаси" дея таърифлади.

Унинг айтишича, Туркия фуқароларининг тинчлигини бузишга интилганлар ўз мақсадига ета олмаган.

Туркия ўз ҳудуди, ҳамда Сурия ва Ироқдаги курд базаларига қарши ҳарбий амалиётларни олиб борган ва кўплаб курд лидерларини қамоққа олган.

1970-йилларда Марксист-Ленинист ғоялар билан ташкил топган ПКК мустақил Курд давлати барпо этилиши мақсади билан Туркия ҳукуматига қарши 1984 йилда қуролли исённи бошлаган.

https://t.me/bbcuzbek

BBC.COM/UZBEK

Telegramda bog'lanish raqami +44 7858860002