Жинсий зўравонлик ва дунё: Онаси жинсий зўрланган қиз нима қилмоқчи? Video Dunyo Qizlar Yangiliklar

Бунақаси камдан-кам бўлади...

Тасмин ўзи ҳам гапирмоқчи, тақдирдошларини ҳам жим турмасликка ундамоқчи.

Қуйида унинг ҳикояси:

"Мен жинсий зўравонликдан туғилганман.

Онам болалар жинсий эксплуатацияси қурбони бўлган. Бу ишни отам қилган.

Онам мени сақлаб қолишга қарор қилгани ғалати.

Чунки, агар ўзимни олсам, мен шунча зўравонликдан кейин боламга қайрилиб ҳам қаролмаган бўлардим..."

Алоқадор мавзулар:

Тафсилотлар

"... Онам мени 15 ёшида кўрган.

Отам эса, онамдан 10 ёш катта.

Отам кейин онамни ўлдирган.

Бунинг ортидан яна уйимизга ҳам ўт қўйган.

Аммо уйимизни ёқишдан аввал мени негадир олиб чиқиб кетган.

Шу боис ҳам мен ёнғиндан омон қолганман.

Жуда ёш эканимда онам жаннатда, отам олисларда деб ўйлаганман.

Кейинчалик менга отамнинг қамоқдалигини айтишган.

Отам туфайли ўзимни ҳамиша ёмон ҳис қилганман.

Чунки қотил ва жинсий зўравонга қондошлигим бор.

Ўшандай одам бўлиб етишсам-чи, деган даҳшатли ўйлар хаёлимга келган.

Улғайгач эса, гап насл-насабда эмаслигини англаб етдим.

Чунки сиз алоҳида инсонсиз, шахссиз.

У сизнинг ўтмишингиз эмас.

Шу боис ҳам унга сиз айбдор эмассиз...".

"Гапиришимиз керак"

Онамнинг бошига қанчалик мудҳиш кўргўликлар тушган бўлмасин, у мени қайғуда эмас, бахтиёр кўришни истаган.

Менимча, жинсий зўравонликдан дунёга келган ҳар ким бу ҳақда гапириши лозим.

Чунки одамлар гап қилади деб, ушбу мавзуда чурқ этиб оғиз очилмайди.

Аммо дардингизни эшитадиган одамлар бор.

Шу боис, менга ўхшаб ўзингизни ёлғиз, карахт, гангиган ҳис қилманг. Қўрқманг. Бу у қадар ёмон эмас.

Ўзингизни анча яхши ҳис қила оласиз. Мудом қайғу чекишингизга ҳожат йўқ...", - дейди Тасмин.

Англия ва Уэльсда эса, энди жинсий зўравонлик оқибатида дунёга келажак болалар қонунан жиноят қурбонлари, деб тан олиниши мумкин.

Telegram kanalimiz: https://t.me/bbcuzbek

BBC.COM/UZBEK

Telegramda bog'lanish raqami +44 7858860002