Туркия: Худо ҳеч кимга кўрсатмасин, жуда қўрқинчли - Би-би-си Ўзбек хизмати зилзила сатҳидаги ўзбекистонлик билан гаплашди
Сурат манбаси, Getty Images
Туркиядаги зилзила Қаҳраманмарашдаги суҳбатдошимиз ва унинг оиласини ҳам даҳшатга солди. У қариндошларнинг уйида жон сақлаб турганди. Тонгдаги зилзиладан омон қолган уйи сал аввал такрорийсида қулаб тушди. У бўлаётган воқеалардан карахт бўлиб қолганини айтади.
Алоқадор мавзулар:
- Шок ҳолатидаман. Биз беш қаватли уйнинг 4-қаватида яшаймиз. Уйимиз ҳалинчакдек дейдию, шу ҳалинчак қандай бориб-келса, уйимиз ҳам шундай бориб-келди, - Би-би-си Ўзбек хизматига гапириб берди Гулнора.
Ўзбекистонлик аёл зилзила бошланган вақт, саҳар 4 дан бери ухлашмаганини айтади.
- Ҳозир қариндошларнинг уйидамиз. Гапиришга ҳолим йўқ, чунки уйқусизман. Жудаям ёмон бўлдик, жудаям ёмон. Буни айтолмайман, жуда ёмон. Худо ҳеч кимга кўрсатмасин, жуда қўрқинчли, - дейди у.
Видеони кўриш учун "Қабул қилинг ва давом этинг" сўзини босинг:
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
- Ҳозирги вазият қандай?
- Биз ташқарига чиқмаяпмиз. Куёвимнинг амакисини уйидамиз. Бу ерда қазиш ишлари бўлаяпти. "Жон қайби", дейишади, яъни қурбонлар жудаям кўп. Йиқилган бинолар ҳам жудаям кўп. Соату дақиқада ҳисоб беришаяпти.
- У ерда яна ўзбекистонликлар борми?, сўрадик Гулнорадан.
- Биз яшайдиган шаҳар - Қаҳраманмарашда ўзбеклар йўқ бўлса керак. Ўзбеклар кўпи Истанбул, Анталия, Анқара, Измирда ишлашади. Бу томонларда мен билмайман. Ишлаётган одамлар бўлса, танимайман. Бу ерда энага ё уй хизматчиси ёллаб ишлатадиган ойликлар йўқ.
Сурат манбаси, Getty Images
Видеолавҳамиз тайёрланаётган пайтда Гулнорадан яна хабар келди.
- Энди ташқарига чиқдик. 10 дақиқа олдин зилзила яна бўлди. Бизнинг 4 қават уйимиз ҳам йиқилиб тушди. Дўконимиз устидаги 3 қаватли уй ҳам қулади, гапира олмайман…
Эслатиб ўтамиз, Туркия - ўзбекистонликлар энг кўп меҳнат муҳожирлигига чиқувчи 5 мамлакатнинг бири ҳисобланади. Норасмий рақамларга кўра, бу мамлакатда 100 минг атрофида ўзбекистонликлар ишлаётгани айтилади.
Туркиядаги ўзбекистонлик муҳожирларнинг катта қисми - хотин-қизлардир.
BBC.COM/UZBEK билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
