Янгиликлар: 20 хотин билан жимо - "Худонинг иродаси" Dunyo Yangiliklar

АҚШнинг Федерал Қидирув Бюроси(ФҚБ) текширувларига кўра, ўзини пайғамбар деб эълон қилган 46 яшар Сэмуел Бейтмэннинг 20 дан ортиқ хотини бор, уларнинг айримларининг ёши 18 дан ҳам кичик. Хотинларим билан жимо қилиш Худонинг хоҳиши, деб айтган Сэмуел Бейтмэн.

У олдин Fundamentalist Church of Jesus Christ of Latter-Day Saints (FLDS Church) деб номланган бутхона аъзоси бўлган.

Кейин эса бу черковдан ажралиб чиққан ўз гуруҳини ташкил этган.

Алоқадор мавзулар:

Федерал Қидирув Бюроси маълумотларига кўра, Сэмуел Бейтмэн ўзини пайғамбар деб эълон қилган, уни пайғамбар деб билиб эътиқод қўйган эркаклар ўз хотинлари ва фарзандларини Бейтмэнга хотинликка берганлар.

ФҚБга кўра, Сэмуел Бейтмэн ўзига пайғамбар сифатида эҳтиром кўрсатмаганларни жазолашга буйруқ берган.

Шу йил августида юк машинасида 11 ва 14 ёшлар ўртасидаги уч қизни олиб кетаётган Бейтмэн ҳибсга олинган.

Гаров пули эвазига озод этилган, бироқ кейинроқ ашёвий далилларни йўқ қилиш ва адолат қарор топтиришга тўсқинлик қилиш айбловлари илгари сурилиб яна ҳибс этилган.

Шу йил бошида Бейтмэннинг уйида бўлган тўққиз вояга етмаган қиз Аризона болалар хизмати томонидан бошқа жойга кўчирилганлар.

Ноябрь ойида қизларнинг саккиз нафари жойлаштирилган уйдан қочиб кетганлар.

Бейтмэннинг рафиқаларидан бири ҳайдаб кетаётган автомобилни зобитлардан бири кўриб қолган ва ўша автомобиль изига тушиб қочиб кетган қизлар Вашингтон штатидан топилган.

Бейтмэннинг рулдаги хотини ва яна икки нафари устидан жиноят иши қўзғатилган, уларга одам ўғирлаш банди илгари сурилган.

Сўроқ пайтида ўша ҳайдовчи аёлнинг айтишича, Бейтмэннинг навбатдаги хотини бўлганида ёши ҳали 18 ҳам тўлмаган бўлган.

18 га тўлганидан етти ой ўтиб кўзи ёриган.

ФҚБ интервьюлари пайти тўққиз қиз Бейтмэннинг уйида бўлган пайтларида ўзларига жинсий тегажоғлик бўлмаганини айтганлар, аммо сохта пайғамбар вояга етмаган қизларга тегингани аниқланган.

2011 йили FLDS Church черковининг раҳбари икки вояга етмаган қиз ўзига келинликка олгани учун жинсий зўравонлик айби билан умрбод қамоқ жазосига ҳукм этилган эди.

BBC.COM/UZBEK билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek