Жеймс Вебб коинотнинг энг чуқур ва энг аниқ тасвирини олди - Видео, янгиликлар
Сурат манбаси, NASA
Жеймс Вебб телескопи замонавий илм-фаннинг энг аҳамиятли кашфиётига айланган фото суратларни юборди.
25 йил давомида ясалган ва жами 10 миллиард долларга тушган Жеймс Вебб космик телескопи 2021 йил 25 декабрида фазога учирилган ва олти ой давомида иш бошлашга тайёргарлик кўрди.
Ҳозир телескоп Ердан 1,6 миллион километр узоқликдан ўз фотоларини юбормоқда.
Илк фото суратни 11 июль куни АҚШ Президенти Жо Байден оммага тақдим этди.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Олимлар Жеймс Вебб янгилигини коинотга янги назар демоқдалар.
Жеймс Вебб космик телескопи қудратли инфрақизил диапазонга эга, унинг ёрдамида 13 ярим миллиард йил олдинга назар ташлаш имконияти пайдо бўлди.
Бу коинотнинг ҳозирги кунгача олинган энг чуқур ва энг аниқ инфрақизил тасвири, дейди НАСА.
Телескоп илк бор порлаган юлдузлар ёруғлигидан ҳам олдинги вақтга назар ташлай олади.
Шунингдек, у сайёралар тизимини ўрганиб бизнинг дунёмиздан ташқарида ҳам ҳаёт мавжуд бўла олиши мумкинлиги ёки йўқлигини ўрганади.
Сурат манбаси, NASA
Ушбу икки сурат марказидаги юлдуз ўз интиҳосини бошлаган юлдуз.
Жеймс Вебб уни икки инфрақизил диапазонда суратга олган.
Юлдуз чапдаги суратда яқин инфрақизил, ўнгда эса ўртача инфрақизил дипазонда кўринади.
Оддий кўз билан қараганда бу юлдузни кўриб бўлмайди.
Космик телескоп 20 йил хизмат қилади деб умид қилинаяпти.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
