Эрдўған НАТОга қатъиян “йўқ” демоқда, Путин ва Россия бироз хотиржам тортса бўладими? Video Turkiya NATO Yangiliklar Dunyo
Сурат манбаси, official
Президент Эрдўған НАТО билан муросага бормаслигини айтмоқда. Туркия НАТОга аъзо дунёнинг ягона мусулмон давлати бўлади. Туркия ўзининг қимматли овози учун яхшигина савдо қилмоқчими?
Украина уруши манзарасида Финландия ва Швецияга НАТОга киришга расман қарор қилишган.
Президент Эрдўған эса, Туркияга санкция қўлловчи давлатларнинг иттифоққа киришига розилик бермаслигини айтмоқда.
Путин ва Россия бироз хотиржам тортса бўладими?
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Алоқадор мавзулар:
Шунча вақт нейтрал мавқеъда бўлган икковлонга кўра, Кремль Украина мисолида ўзининг сиёсий мақсадига эришиш учун "куч қўллашга тайёр эканлиги"ни амалда кўрсатиб қўйган. Ортиқ бетараф бўлмасликка қарор қилишган.
Аммо бу осон кечмайдиган кўринади.
Бунинг учун НАТОга аъзо 30 давлат барчасининг бирдек розилиги керак бўлади.
Швеция уч йил аввал Туркияга қурол-яроғ сотишни тақиқлаб қўйган.
Бунинг сабабини Туркиянинг Сурия урушидаги иштироки билан боғлаган.
Туркия томонига кўра, Швеция ва Финландия, бундан ташқари, ўзларининг курд жангариларининг экстрадициясига оид ўнлаб сўровларини рад этишган.
Расмий Анқара бу жангариларни "террорчилар" сифатида кўради.
Ҳар икки давлат ҳам тил топишиш учун Туркияга ўз ҳайъатларини юборишмоқда.
Аммо Эрдуған аллақачон "овора бўлиб ётишингизга ҳожат йўқ", - деб айтган.
Туркия ўзининг қимматли овози учун яхшигина савдо қиладиган кўринади.
Якшанба куни АҚШ Давлат котиби Туркиянинг қаршилигига қарамай, бу икки давлатнинг НАТОга киришига ишончи комиллигини билдирди.
Сурат манбаси, Reuters
АҚШ Давлат котиби ва Туркия Ташқи ишлар вазири эртага, чоршанба куни учрашишади.
Учрашув чоғида худди шу масаланинг кун тартибида етакчиси бўлиши кутилмоқда.
Икки скандинав давлатини НАТОга киришга ариза бериш учун ундаган Вашингтон бор-йўғи 11 соат ичида уларни қўлдан бой беришни истамайди.
Туркия эса, Швеция ва Финландияни Курдистон Ишчилар партияси жангари гуруҳига алоқадор одамлар ва Фатҳуллоҳ Гулен тарафдорларига бошпана беришда айблайди.
Расмий Анқара Курдистон Ишчилар партиясини "террорчи ташкилот" сифатида кўради.
Фатҳуллоҳ Гуленни эса, 2016 йилги давлат тўнтариши ортида туришда айблайди.
Мухбиримизга кўра, Швеция ва Финландиянинг Ғарб ҳарбий иттифоқига қўшилиши фақат бу ерда иккита янги байроқнинг ўрнатилишини англатмайди.
Бу НАТО ва Россия ўртасидаги чегарани икки баравар узайтиради.
Путин эса, худди шу нарсани тўхтатиб қолмоқчи эди.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
