Нега Финландия НАТОни хоҳлаб қолди? Видео NATO
Шу кунларда Финландия ва Швециянинг НАТОга аъзолиги кўриб чиқилаяпти.
Бир замонлар Финландия ва Швеция "агар Шимолий Атлантика ҳарбий иттифоқидан узоқ турсак, шарқий улкан қўшнимизнинг жаҳлини чиқармаймиз, тинч бўламиз" деган фикрда эди ва бу қараш узоқ давом этди.
Бироқ Россиянинг Украинага босқини "бундай қараш тўғри эмас" деган хулосага ундади.
Алоқадор мавзулар:
Швеция ва Финландия НАТОга аъзолик ҳаракатини бошладилар, АҚШ ва НАТОнинг бошқа аъзо мамлакатлари бу икки мамлакатни иттифоққа аъзолигини олқишлашларини билдирдилар, бу жараён тезда ҳал бўлиши хабар қилинди.
Би-би-сининг махсус мухбири Алан Литл Финландияга борди, нега бу мамлакат ҳарбий иттифоққа интилаётганини ўрганди.
Украина уруши Финландияга ўзларининг "Қишки уруши"ни эслатди, дейди мухбиримиз.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
1939 йили Сталин Финландияни босиб олишга қарор қилади, Қизил Армия бостириб киради.
Совет-Финланд уруши 1939 йил 30 ноябридан 1940 йил 13 мартигача давом этди, шунинг учун ҳам "Қишки уруш" деб ном берилди.
Финландия таркибида бўлган Виборг шаҳрида туғилган Анна-Лииса Антилла ўспирин эди, уруш туфайли туғилиб ўсган шаҳридан қочишга мажбур бўлди.
"Бомбалар ёғилаётган пайтда ўша ерда эдим. Ерга ётиб олганмиз. Одамлар тугунларини олиб қочишди. Мен онам билан Виборгдан чиқиб кетган энг охирги автобусда бўлганмиз", дея хотирлайди Антилла буви.
Виборг Россия таркибида қолди.
Финландиянинг Россия билан чегараси 1300 кмга чўзилган.
Финландиянинг НАТОга кириши Россия остонасида иттифоқ ҳарбий қудратини оширади, бу эса аллақачон Кремлнинг жиғига тега бошлаган.
Аллақачон Россия Ташқи ишлар вазирлиги Швеция ва Финландиянинг НАТОга аъзо бўлиб кириши оқибатлари ёмон бўлишидан огоҳлантириб чиқди.
Россия чегараси чизиғининг нарёғида НАТОнинг кенгайиши Ғарб ёмон ниятининг исботи, Россия хавфсизлиги учун таҳдид деб кўрилади, дейди Би-би-си мухбири.
"Финландия бир замонлар Россия империяси ҳисобланган. Бугун Россия империализмининг яна уйғонаётганини кўрган Финландия Ғарбий ҳарбий иттифоқ сафига кирмоқчи, бу нарса Европа хавфсизлик харитасининг ўзгаришини англатади", дейди Алан Литл.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
