Илм-фанда янгилик: Хўрозсиз товуқ яратишнинг йўли топилди video dunyo yangiliklar
Сурат манбаси, Reuters
Британиялик олимлар фақат урғочи ҳомила яратишнинг йўлини топишди. Улар буни сичқонларда муваффақиятли синаб кўришди ва энди товуқларда ҳам иш беради, деган фикрдалар. Бунақаси эса, шу пайтгача бўлмаган:
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Алоқадор мавзулар:
Оламшумул янгилик
Дейлик, жўжаларнинг тенг ярми парранда саноати учун кераксиз. Чунки улар хўрозчалар. Тухум қўйишолмайди. Шу боис, йўқ қилиниши шарт. Аммо қандай қилиб?
Лондондаги Френсис Крик институти олимлари бу муаммога ечим топган бўлишлари мумкин.
Уларга кўра, фақат урғочи ҳомила яратишнинг уддасидан чиқишган.
Буни аллақачон сичқонларда муваффақиятли синаб кўришган.
Энди эса, ўз усуллари товуқларда ҳам иш беради, деган фикрдалар.
"Бу ердаги олимлар ҳомиланинг яралишига масъул генни ҳаракатсизлантиришнинг йўлини топишди. Улар генни таҳрирловчи техника ёрдамида ҳомила жинсини дастурлашлари мумкин", - дейди уларнинг тажрибаларини бевосита кузатган Би-би-си мухбири Паллаб Гош.
Янги усул қандай ишлайди?
Сутэмизувчиларнинг жинси улардаги хромосомалар билан белгиланади.
Аёлларида бир жуфт Х, эркакларида эса, Х ва Y хромосомалари бўлади.
Янги техника асосида генни таҳрирловчи молекулаларнинг ярми отанинг Y хромосомаси, қолгани онанинг ДНКсига киритилади.
Уруғлангандан кейин, эркакнинг молекулалар юборилган хромосомалари ривожланмайди.
Урғочи эмбрион эса, яралаверади.
Маълум бўлишича, бу усул ёрдамида бошқа генетик ўзгаришлар ҳам қилса бўлади.
Дейлик, у чўчқаларда энг кўп учровчи ўпка касаллигининг олдини олишда қўл келади.
Чўчқачалар ортиқ бу хасталикка чалинишмайди.
Мазкур касаллик шу пайтгача чўчқаларга қирон келтириб келган.
Британ ҳукумати ҳозир парранда саноатида ҳам генни таҳрирлашга изн бериш-бермаслик масаласини кўриб чиқмоқда.
Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02
