Ўзбекистон: Болалар учун нафақат даволаниш, балки узлуксиз таълимни давом эттириш имконияти - Видео
Сурат манбаси, zaminfoundation.ngo
Энди Ўзбекистонда онкология ва гематология хасталикларидан даволанаётган болаларда ўқишини давом эттириш имконияти ҳам пайдо бўлди.
Бундай хасталиклардан даволаниш узоқ вақт ва муолажани талаб қилади, ота-онасига қимматга тушишидан ташқари, бола мактабидан узилиб қолишини бошига тушган ота-оналар яхши билишади.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Сурат манбаси, zaminfoundation.ngo
Ўзбекистон ҳукумати ушбу оғир хасталиклардан шифо топишни яхшилаш мақсадида ўтган йили майида Республика Болалар гематологияси, онкологияси ва клиник иммунологияси марказини ташкил этган эди.
Энди бу марказ қошидаги биринчи госпитал таълим даргоҳида болаларнинг ўқишини давом эттириш имконияти ҳам пайдо бўлди.
Унга "Меҳрли мактаб" деб ном берилди.
Сурат манбаси, zaminfoundation.ngo
Оғир хасталиклардан даволанаётган боланинг таълим олиши ҳам қийинлашиши тайин, унга бу жараёнларни осонлаштириш эҳтиёжи ҳам юзага келади.
Шунинг учун ҳам "Меҳрли мактаб"да узоқ муддатли даволанишга муҳтож болаларга индивидуал таълим дастурларини ўзлаштиришга имкон берувчи қулай муҳитни яратиш мақсад қилинган.
Ўзбекистон Президентининг рафиқаси, "Zamin" фонди Васийлик кенгашининг раиси Зироат Мирзиёева "Меҳрли мактаб" фаолияти билан танишиш учун ташриф буюрганида бемор болаларнинг таълимига индивидуал ёндашув қандай ташкил этилганига алоҳида эътибор қаратди.
Сурат манбаси, zaminfoundation.ngo
"Болалардаги иммунитет танқислигини ҳисобга олиб, мактаб ўзига хос тиббий талабларга мувофиқ жиҳозланган, гипоаллерген материаллар билан таъминланган. Ўқув жараёнида фақатгина электрон дарсликлар ва ҳар бир ўқувчига алоҳида бириктирилган китоблардан фойдаланилмоқда.
Мактабда Zamin Creative ижод студияси ҳам очилган. Унда болалар мусиқа, тасвирий санъат ва медиадан сабоқ олмоқда. IT-лаборатория ва сенсорли хона ҳам бор", дейилади "Zamin" жамғармаси тарқатган хабарда.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
