Ўзбекистон: медицина: Маошларни ошириш билан Мирзиёев, шифокорларга пора олманглар, халққа сифатли тиббий ёрдам беринглар, деяпти
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Ўзбекистон расмийларига кўра, келгуси 1 йилда тиббиёт ходимларининг маошлари икки баравар кўпаяди.
Дастлаб 2018 йил 1 декабридан 20 фоиз, келгуси йил апрелида 15 фоиз, 2019 йил кузида яна 10 фоиз иш ҳақлари ошади.
1 ноябрдан Ўзбекистонда энг кам маошлар оширилди.
Президент Мирзиёев ижтимоий соҳа ходимларининг маошларини кўпайтириш зарурлигини таъкидлаган, расмий маълумотларга кўра, 2018 йили Ўзбекистон тиббиёт соҳасига 800 миллиард сўм йўналтирган.
Бу шу кеча-кундузда 96 миллион 600 минг АҚШ долларидан зиёд деганидир.
Келгуси йили бу рақамни 1 триллион 200 миллиард сўмга етказиш мақсад қилинган.
Сурат манбаси, Getty Images
Президент Мирзиёев Ўзбекистон соғликни сақлаш тизими аянчли аҳволга келиб қолганини кўп марта таъкидлади, сўнгги икки йил мобайнида вазиятни ўнглашга ҳаракат қилмоқда.
Давлат назоратидаги тиббиёт муассасалари учун зарур техник жиҳоз-ускуналар, шошилинч тиббий ёрдам хизматлари учун автомобиллар харид қилишга маблағлар ажратилди.
"Навбатдаги қадам соғликни сақлаш соҳаси ходимларининг маошини ошириш бўляпти. Бу билан Президент Мирзиёев халққа тиббиёт хизматининг сифатини, врачнинг, тиббиёт ходимининг халқ орасидаги обрўсини кўтараяпти. "Ўғирлик қилманглар, пора олманглар! Тўғри ишланглар, халққа сифатли ёрдам беринглар", деяпти, дейди чинозлик шифокор Шоира Сулаймонова.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
