Коронавирус, Ўзбекистон: Эмланмаган, лекин вакцина олган деган ҳужжати бор O'zbekiston Koronavirus Vaksina
Сурат манбаси, BioNTech SE 2020
Podronbo.uz ўзбекистонликларнинг вакцинадан чўчиши янги коррупция кўринишини келтириб чиқаргани ҳақида таҳлилий мақола эълон қилди.
Веб-сайт ёзишича, мажбурий эмлаш талаби "вакцина олган" деган сертификатни эмланмасдан ҳам олиш вазиятини юзага келтирган, бунга одамлар тайёр, давлат эса тайёр бўлмаган.
Шу йил июль ойида ҳукумат айрим соҳаларда ишлайдиган ходимлар ўз фаолиятини давом эттиришлари учун албатта эмланишлари шартлигини мажбур этадиган қарор чиқарди.
Бу эса қатор собиқ Совет мамлакатларида кузатилгани сингари Ўзбекистонда ҳам коррупциянинг янги кўринишига йўл очди.
Podronbo.uz сохта эмланганлик сертификатини таклиф этаётган "уддабурон"ларнинг ижтимоий тармоқларда тарқатган эълонлари суратларини ҳам нашр этди.
Бу эълонларнинг ўзбек ва рус тилларида эканини кўриш мумкин.
Коронавирусга қарши кураш штаби аъзоси Нурмат Отабеков Podronbo.uz нашрига сохта сертификатларга қарши қандай кураш олиб борилаётгани ҳақида айтган.
Сурат манбаси, Social media
Нурмат Отабеков сўзларига кўра, ўтказилган қарийб 1300 текширув натижасида эмланмасдан туриб давлат ва нодавлат секторида 23000 дан ортиқ киши ишлаб юргани аниқланган.
Жаноб Отабеков эмланганлик сертификати сохта ёки ҳақиқийлигини текшириш қийин эмаслигини билдирган.
Сохта сертификат учун Ўзбекистон қонунчилигига биноан 5 йилгача озодликдан маҳрум этиш жазосига тортилиш мумкин.
Айни пайтда вакциналарни пуллаш ҳолатлари ҳам аниқланган.
Ички ишлар вазирлиги сохта сертификат олган атиги 10 киши аниқланганини маълум қилган.
Podronbo.uz Ўзбекистонда коронавирус вакцинасини олиш, эмланганлик сохта сертификати тарқалиши билан боғлиқ қатор саволлар очиқ қолаётганини урғулайди.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
