Расман: Саудия Арабистони яна чегараларини очди – Ўзбекистон, Ислом ва мусулмонлар, O‘zbekiston, Islom dini, musulmonlar, yangiliklar

Расман: Саудия Арабистони яна чегараларини очди - ҳаво қатновларини ҳам тиклади. Ўзбекистон минтақанинг энг йирик мусулмон давлати бўлади. Икки ҳафтадирки, подшоҳлик чегаралари ёпиқлигича қолаётганди.

Ар-Риёднинг бу қарорига дунёнинг қатор давлатларида топилган коронавируснинг янги штамми сабаб бўлган.

Подшоҳлик зудлик билан унинг ўзларига кириб келишининг олдини олишга қарор қилган. "Эҳтиёт чоралари"га қўл урган.

21 декабрь куни барча турдаги халқаро қатновларни тўхтатган. Сув, ҳаво ва қуруқликдан ўз чегараларини ёпган.

Тақиқ дастлаб бир ҳафтага қўйилган. Лозим бўлса, яна бир ҳафтага узайтирилиши айтилган. Фақат фавқулодда ҳолатлар истисно экани илова қилинган.

Ўзбекистон: Бекор бўлган Ҳаж ва янги эгасини қидираётган Coca-cola O'zbekiston Haj

Ҳаж бекор бўлади - энг йирик мусулмон давлати қарор қилди. Ўзбекистон-чи? - O'zbekiston, Islom, koronavirus

Коронавирус: Ал-Ақсо ва Набавий Масжид намоз учун очилди Koronavirus

Подшоҳлик кеча, якшанба - 3 январдан бошлаб тақиқнинг бекор қилинишини расман маълум қилган.

Аммо коронавируснинг янги штамми тарқалган давлатлардан келаётган саёҳатчиларга янги чекловлар жорий этган.

Уларнинг подшоҳликка киришдан аввал бошқа бир давлатда 14 кун карантинда бўлишлари шарт қилиб қўйилган.

Тестлари манфий натижа кўрсатган тақдирдагина, киришларига изн берилиши айтилган.

Бу давлатлардан келаётган ўз фуқароларининг мамлакатга тўғридан-тўғри кириб келишларини чекламаган.

Аммо уларнинг ҳам киргач, икки ҳафта карантин остида бўлишлари ва тестлардан ўтишларини шарт қилиб қўйган.

Подшоҳлик аҳолиси сони ҳозир 36 миллион кишидан ортади.

Саудия Арабистони ҳали-ҳануз Форс Кўрфазидаги араб давлатлари орасидан коронавирус билан боғлиқ аҳвол энг ёмонилигича қолмоқда.

Мамлакатда жами коронавирус ҳоллари 363 мингдан ортган. Коронавируслан 6 мингдан ошиқ ўлим ҳолати қайд қилинган.

Ар-Риёд шундоқ ҳам пандемия боис, етти ойлик танаффусдан сўнг яқинда Умра зиёратига рухсат берган. Шу йил феврал ойида қўйган тақиқини босқичма-босқич юмшатишга киришганди.

Коронавирус боис, бу йилги Ҳаж зиёратига ҳам бирор бир чет эллик зиёратчи қўйилмаган.

Саудия Арабистони коронавирусга қарши оммавий эмлашни бошлаган илк Форс Кўрфази давлатларидан бири бўлган.

Подшоҳлик бу ишга ўтган ой ўрталарида киришган, мамлакат аҳолисининг Америка ва Германиянинг қўшма маҳсулоти бўлган Pfizer-BioNTech вакцинаси билан эмланишлари айтилган.

Саудия Арабистонида илк коронавирус ҳолати расман шу йилнинг 2 март куни қайд этилган.

Коронавирусни жиловлаш учун март ойининг ўзидаёқ деярли бутун подшоҳлик бўйлаб комендантлик соати жорий этилган, яна бошқа қатор кескин чеклов чораларига қўл урилган, масжидлар, муқаддас сатҳлар ҳам ёпиб қўйилганди.

Саудиялик масъуллар фақат сўнгги ойларга келибгина ўта кучайтирилган бу каби чеклов чораларини босқичма-босқич юмшатишга ўтишган.

Ўзбекистон, минтақа ва коронавирус

Ўзбекистон эса, минтақанинг энг йирик мусулмон давлати бўлади.

Аҳолисининг сони расман 34 миллиондан ортади.

Марказий Осиёдан Ҳажга энг кўп зиёратчи айнан Ўзбекистондан боради.

Саудия Арабистонида 2017 йилда Ўзбекистонга бераётган квоталарини қарийб 40 фоизга оширган.

Ўзбекистондан ҳам ҳар йили минглаб зиёратчилар Умра ва Ҳаж зиёратини адо этиб келишган.

Ўзбекистонда коронавирус ва ундан ўлим ҳолати Умра зиёратидан қайтиб келганлар орасида ҳам қайд этилган.

Қирғизистонда ҳам Умра зиёратидан қайтганлар карантин остига олинган, илк коронавирус ҳоллари эса, айнан зиёратчиларда аниқланган.

Зиёратдан қайтгач, уюштирган зиёфатлари билан коронавирус манбаси бўлишда ҳам масъуллар томонидан танқидларга тутилишган.

Вируснинг янги штамми билан боғлиқ янгилик ўзбекистонлик масъулларнинг ҳам эътиборларидан четда қолмаган.

Ўзбекистон ҳам худди шу санадан бошлаб, Буюк Британия, Германия, Италия, Дания, Австрия, Австралия, Нидерландия ва Жанубий Африка билан халқаро авиарейслар - кириш, чиқиш, транзит рейслари орқали мамлакатга киришни тўхтатган.

Республика махсус комиссияси 22 декабрь куни бу хусусда махсус баёнот билан чиққан.

Сўнгги 14 кун давомида бу давлатларда бўлган ҳолда учинчи мамлакат орқали Ўзбекистонга кириб келаётган ўз фуқаролари ва фуқаролиги бўлмаган шахсларнинг 14 кун давомида карантинга олинишини ҳам маълум қилган.

Жорий йилнинг 10 январига қадар амалда бўлиши айтилган чекловларнинг ушбу давлатлардаги эпидемиологик вазият барқарорлашгани сари босқичма-босқич бекор қилиб борилишини айтилган.

Ўзбекистон жорий пайтда Қозоғистон ва Қирғизистондан кейин минтақанинг коронавирус энг кўп тарқалган учинчи давлати бўлиб турибди.

Агар, расмий маълумотларга таянилса, мамлакатда жами коронавирус ҳоллари ҳозирга келиб 77200 дан сал ортган.

Масъуллар яқинда беморларнинг 98 фоизи соғайганини баён қилишганига оид хабарлар ҳам олинган.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek