امریکی شہر ملواکی میں پولیس کے خلاف احتجاج میں فائرنگ
،تصویر کا ذریعہReuters
امریکی ریاست وسکانسن کے شہر ملواکی میں پولیس کے خلاف ہونے والے ایک احتجاج کے دوران گولیاں چلائی گئی ہیں۔
یہ احتجاج اس وقت شروع ہوا جب پولیس نے ہفتے کے روز سلول سمتھ نامی ایک 23 سالہ سیاہ فام شخص کو تعاقب کے دوران گولی مار کر ہلاک کر دیا تھا۔
شہر کے میئر ٹام بیرٹ نے کہا کہ سمتھ کے ہاتھ میں پستول تھا اور انھوں نے تنبیہ کے باوجود اسے نیچے نہیں پھینکا۔
پچھلے دو برس میں سیاہ فام برادری کے خلاف پولیس کے تشدد کے خلاف مختلف امریکی شہروں میں بڑے پیمانے پر مظاہرے پر کیے گئے ہیں۔
ملواکی پولیس نے ایک ٹویٹ میں کہا کہ جب انھوں نے جلوس کو منتشر کرنے کی کوشش کی تو ان پر پتھر پھینکے گئے۔
،تصویر کا ذریعہGetty
ہفتے کی رات مظاہرین نے کاروں، عمارتوں اور ایک پیٹرول پمپ کو نذرِ آتش کر دیا۔ ایک پولیس اہلکار ہجوم کی جانب سے پھینکی جانے والی اینٹ سر پر لگنے سے زخمی ہو گیا۔
پولیس نے کہا کہ ہفتے کی سہ پہر پولیس نے جب سمتھ کی گاڑی کو روکا تو وہ کار سے نکل کر بھاگ گئے۔ پولیس کے مطابق سمتھ کو پہلے بھی کئی بار گرفتار کیا گیا تھا۔
میئر بیرٹ نے لوگوں سے تحمل کا مظاہرہ کرتے ہوئے کہا: ’ایک نوجوان گذشتہ روز زندگی سے ہاتھ دھو بیٹھا۔ اس کے حالات جو بھی رہے ہوں، لیکن ان کے خاندان کو صدمہ پہنچا ہو گا۔‘
End of سب سے زیادہ پڑھی جانے والی
