میانمار کے شب و روز تصاویر میں

فوٹوگرافر جیفری ہیلر میانمار یعنی برما کے لوگوں کی زندگی کو سنہ 1987 سے دستاویزی شکل دے رہے ہیں۔

میانمار پر ان کی تازہ کتاب ’ڈے بریک ان میانمار‘ یعنی میانمار میں طلوع صبح سے چند تصاویر پیش کی جا رہی ہیں۔

اس کتاب میں برما کی چند نمایاں شخصیتوں کے ساتھ انٹرویوز بھی شامل ہیں۔

انھوں نے فوجی حکومت کے خاتمے اور سنہ 2010 میں فوجی حمایت میں بننے والی حکومت تک وہاں کا کئی بار دورہ کیا ہے۔

ان کی تصاویر میں برما کے باشندوں کی روزمرہ کی زندگی کی عکاسی ہے۔

انھوں نے سر راہ یا چائے پیتے ہوئے تصویریں لی ہیں۔

انھوں نے پہلی بار سنہ 1987 میں ایک ہفتے کے ویزا پر میانمار کا دورہ کیا تھا۔

سفری پابندیوں کے باوجود انھیں اس ملک سے محبت ہو گئی۔

وقت کے ساتھ ہر سال فوجی حکومت میں نرمی آتی گئی لیکن سنہ 2000 میں انھیں عام طور پر اپنے کیمرے کو چھپانا پڑتا تھا اور سادی وردی میں موجود سرکاری ایجنٹس انھیں روکتے تھے۔ اس کے باوجود وہ وہاں سے فلم کے 90 رولز باہر لے جانے میں کامیاب رہے۔

امریکی سفارتخانے کی جانب سے ملازمت کے دوران انھوں نے سنہ 2011 میں ینگون (رنگون) میں فوٹوگرافی کی تعلیم دی اور اس کے ایک سال بعد اپنے شاگردوں سے ملاقات کرنے میں کامیاب ہوئے۔

ان میں سے بعض اب بین الاقوامی اور قومی میڈیا کے لیے کام کر رہے ہیں اور حکام کی جانب سے مزید نرمی کے نتیجے میں سوشل میڈیا پر بھی اپنی تصویریں پوسٹ کر رہے ہیں۔

ان سب تبدیلیوں کے باوجود ہیلر کا خیال ہے کہ میانمار کا مستقبل ابھی غیر یقینی ہے اور اس کا بہت حد تک دارومدار 25 سال میں پہلی بار ہونے والے عام انتخابات پر ہوگا۔