یہ ابھی واضح نہیں کہ طیارہ باغیوں کے کونسے گروپ نے مار گرایا
شام میں صدر بشار الاسد کی حکومت کے خلاف لڑنے والے باغیوں نے دعوی کیا ہے کہ انہوں نے شمال مغربی صوبے ادلیب میں ایک لڑاکا طیارہ مار گرایا ہے۔
اس واقعہ کی فوٹیج عربی ٹی وی چینلز پر دکھائی گیئی ہےآ اس میں ملبے سے اٹھتا ہوا دھواں دیکھا جا سکتا ہے۔
حالیہ ہفتوں میں باغیوں نے ایک اور لڑاکا طیارہ اور ایک ہیلی کاپٹر مار گرانے کے اور بھی دعوے کیے ہیں۔
اس واقعہ کی العربیہ ٹی وی کی ویب سائٹ پر ایک فوٹو شائع کی گئی ہے۔ ہالعربیہ کے مطابق یہ طیارہ تباہ ہونے کے بعد دو پالیٹوں کے پیرا شوٹ کے ذریعے اترتے وقت بنائی گئی ویڈیو سے
لی گئی ہے۔
العربیہ ٹی وی کے مطابق باغیوں کا تعلق آزاد شامی فوج سے تھا جبکہ الجزیرہ ٹی وی کا کہنا ہے کہ ان کا تعلق شامی مجاہدین بریگیڈ سے ہے۔
یہ اطلاعات اس وقت آئی ہیں جب ایران میں جاری غیر وابستہ ممالک کے اجلاس میں شام کی صورتحال پر اختلافات پیدا ہوئے۔
اقوام متحدہ کی سیکیورٹی کونسل بھی شام میں جنگ کی وجہ سے عام لوگوں کودرپیش مسائل کے بارے بات کرنے کے لیے جعمرات کو ملے گی۔
باغی کارکنوں کا کہنا ہے کہ جمعرات کی صبح دمشق کے مشرقی مضافات میں جھڑپیں ہوئی جبکہ اطلاعات کے مطابق ملک کے دیگر حصوں میں بھی لڑائی جاری ہے۔
