قیدیوں پر تجربات کی تحقیقات
،تصویر کا ذریعہBBC World Service
جاپان کے دارالحکومت ٹوکیو میں واقع سابق میڈیکل سکول میں دوسری جنگِ عظیم کے دوران انسانوں پر تجربے ہونے کی اطلاعات پر کھدائی کا کام شروع کر دیا گیا ہے۔
اس میڈیکل سکول کا تعلق جاپان کی امپیریئل فوج سے بتایا جاتا ہے جس نے قیدیوں پر حیاتیاتی تجربے کیے کیے۔
جاپان کی حکومت نے اب تک باضابطہ طور پر اس بات کا اعتراف نہیں کیا کہ اس نے جنگ کے دوران قیدیوں پر تشدد کیا۔
جاپان حکومت نے کھدائی کا حکم اس وقت دیا جب ساٹھ سال بعد اس میڈیکل سکول کی ایک نرس نے تجربے کرنے کی تفصیلات بتائیں۔
یہ نرس جو اب 88 سال کی ہیں کا کہنا ہے کہ ان کو سینکڑوں مُردوں کو دفنانے کا حکم دیا گیا تھا جب جاپان نے دوسری جنگِ عظیم میں ہتھیار ڈال دیے۔
ان مُردوں کو امریکی فوج کے پہنچنے سے قبل دفنانا تھا۔
اس جگہ پر جاپانی امپیریئل فوجی یونٹ 731 کا ہیڈ کوارٹر تھا۔
تاریخ دان اور عینی شاہدین کے مطابق ہزاروں شمالی چین سے پکڑے گئے قیدیوں پر تجربے کیے گئے تھے۔
End of سب سے زیادہ پڑھی جانے والی
ان کا کہنا ہے کہ چند قیدیوں کو مرض کے انجکشن لگائے گئے اور پھر ان کو بغیر بے ہوش کیے ان کا آپریشن کیا گیا۔
اس جگہ کے قریب ہی سے 1989 میں انسانی ہڈیاں برآمد ہوئی تھیں اور کئی ہڈیوں پر تشدد کے نشانات بھی تھے۔
چین کے کئی خاندانوں نے ڈی این اے کرانے کی درخواست دی تھیں کیونکہ ان کے رشتہ داروں کو جاپان نے قیدی بنایا تھا۔ لیکن جاپان کی حکومت نے ان کی یہ درخواست مسترد کردی تھی۔
