ریحانہ بستی والا بی بی سی اردو ڈاٹ کام، ممبئی

	شعیب ملک نےگزشتہ برس دلی کی ٹیم کی نمائندگی کی تھی

جن کھلاڑیوں کے معاہدے منسوخ کیے گئے ہیں ان میں یونس خان، شعیب ملک، شعیب اختر، شاہد آفریدی، سلمان بٹ اور محمد حفیظ شامل ہیں جبکہ آئی پی ایل کی فرنچائز ٹیم راجستھان رائلز نے اپنے دو پاکستانی کھلاڑیوں سہیل تنویر اور کامران اکمل، کولکتہ نائٹ رائڈرز نے عمر گل اور بنگلور رائل چیلنجرز نے مصباح الحق کے معاہدے ایک برس کے لیے معطل کرنے کا فیصلہ کیا ہے اور وہ اگلے سال اس ٹورنامنٹ میں شریک ہو سکتے ہیں۔

آئی پی ایل کمشنر للت مودی نے گوا میں آئی پی ایل نیلامی کے بعد صحافیوں سے کہا کہ ’آئی پی ایل عالمی کرکٹ کے ضابطوں کی پیروی کرتی ہے اور اس کے مطابق کوئی بھی کھلاڑی معاہدہ کے بعد میچ میں کھیلنے سے انکار نہیں کر سکتا‘۔

	سہیل تنویر نے گزشتہ برس راجھستان رائلز کو ٹائٹل جتوانے میں اہم کردار ادا کیا تھا۔

انہوں نے کہا کہ’پاکستانی کھلاڑی اس برس آئی پی ایل میں کھیلنے نہیں آ سکتے اس لیے ان کا معاہدہ ختم کیا جا رہا ہے اور اس لیے ان کی جگہ نئے کھلاڑیوں کو ٹیم میں جگہ دی جا سکتی ہے‘۔

خیال رہے کے حکومتِ پاکستان نے اپنے کھلاڑیوں کو ہندوستان جا کر کرکٹ کھیلنے کی اجازت دینے سے انکار کر دیا ہے جس کے بعد یہ کھلاڑی آئی پی ایل کے 2009 سیزن میں شریک نہیں ہو سکیں گے۔