عبدالرشید شکور بی بی سی اردو ڈاٹ کام کراچی

	انضمام الحق سمیت متعدد پاکستانی کھلاڑی آئی سی ایل میں حصہ لیتے رہے ہیں

واضح رہے کہ آئی سی ایل میں حصہ لینے والے کرکٹرز نے پاکستان کرکٹ بورڈ کی جانب سے ڈومیسٹک کرکٹ کھیلنے پر عائد پابندی کے فیصلے کے خلاف عدالت میں اپیل دائر کی تھی۔

سندھ ہائی کورٹ کے جسٹس امیر ہانی مسلم نے کرکٹرز کے وکیل زاہد فخرالدین جی ابراہیم کے دلائل سننے کے بعد پاکستان کرکٹ بورڈ کی پلیئنگ کنڈیشن 2ء2 کو فوری طور پر معطل کرنے کا حکم سنایا جس کے تحت ان کرکٹرز کو مقامی کرکٹ کھیلنے کی اجازت ہوگی۔

عدالت نے پاکستان کرکٹ بورڈ سے کہا ہے کہ وہ دس فروری کو جواب داخل کرے۔

پاکستانی کرکٹرز دو سال سے انڈین کرکٹ لیگ (آئی سی ایل) کھیل رہے ہیں تاہم پاکستان کرکٹ بورڈ نے یہ مؤقف اختیار کرتے ہوئے کہ آئی سی سی اس لیگ کو تسلیم نہیں کرتی اپنے ان کرکٹرز پر نہ صرف بین الاقوامی کرکٹ بلکہ ڈومیسٹک کرکٹ کے دروازے بھی بند کررکھے ہیں۔

دلچسپ بات یہ ہےکہ آئی سی سی، آئی سی ایل کو بھارتی کرکٹ بورڈ کا معاملہ قرار دیتی ہے۔سری لنکن کرکٹ بورڈ اپنے آئی سی ایل کرکٹرز پر ڈومیسٹک کرکٹ کھیلنے کی پابندی پہلے ہی ختم کرچکا ہے۔