ریحانہ بستی والا بی بی سی اردو ڈاٹ کام ، ممبئی

	چیمپئینز لیگ ٹوئینٹی ٹوئینٹی آٹھ ٹیموں کے درمیان کھیلا جائے گا

چیمپئنز لیگ کے منتظمین کا کہنا ہے کہ اس سودے کے بعد یہ ٹورنامنٹ فی میچ اوسط کے حساب سے سب سے زیادہ مالیت کا کرکٹ مقابلہ بن گیا ہے۔

تین دسمبر سے شروع ہونے والے اس ٹورنامنٹ کی انعامی رقم چھ ملین ڈالر ہے اور فاتح ٹیم کو تین ملین امریکی ڈالر کا انعام دیا جائے گا۔

اس ٹورنامنٹ میں کل آٹھ ٹیمیں شرکت کریں گی۔ ان ٹیموں میں بھارت، آسٹریلیا اور جنوبی افریقہ کی دو دو ٹیموں کے علاوہ انگلینڈ اور پاکستان کے مقامی ٹوئنٹی ٹوئنٹی مقابلوں کی فاتح ٹیمیں شامل ہیں۔

اس لیگ کا اہتمام بھارت، جنوبی افریقہ اور آسٹریلیا کے کرکٹ بورڈ مشترکہ طور پر کر رہے ہیں اور تاحال اس کے وینیو کا فیصلہ نہیں کیا گیا ہے۔ یہ تینوں بورڈ اگلے برس ہونے والے مقابلوں میں بارہ ٹیمیں شامل کرنے کا ارادہ رکھتے ہیں۔