عبدالرشید شکور بی بی سی اردو ڈاٹ کام، کراچی

	صحافیوں کو ماضی میں بھی لاسن سے شکایت رہی ہے

سری لنکا کے خلاف شکست کے بعد جیف لاسن کپتان شعیب ملک کی جگہ پریس کانفرنس میں آئے۔

پریس سے مطالبہ  ’اس سے پہلے کہ پریس کانفرنس شروع ہو کچھ قواعد وضوابط طے کر لئے جائیں۔ صحافی حضرات تبصرے نہ کریں صرف سوال کریں۔ اگر کسی نے دو مرتبہ سوال کیا تو میں اس کا جواب نہیں دوں گا۔ اس کے علاوہ آپ لوگ عقلمندی کے سوال کریں ورنہ اس کا بھی جواب نہیں دوں گا لاسن

جیف لاسن کے جواب میں ایک صحافی نے ان سے کہا کہ کیا وہ صحافیوں کو ڈکٹیٹ کرائیں گے کہ وہ کیا پوچھیں اور کیا نہ پوچھیں؟ جس پر لاسن نے کہا کہ وہ انگریزی میں ان سے بات کریں۔

یہ کہہ کر لاسن کرسی سے اٹھے اور ایک اور صحافی کے قریب جاکر ان کے چہرے کی طرف اشارہ کرتے ہوئے سخت لہجے میں مخاطب ہوئے ’اگر آپ مجھ سے سخت رویہ رکھیں گے تو میں سوال کا جواب نہیں دوں گا‘۔

صحافیوں نے اس صورتحال کو ناقابل برداشت اور نامناسب قرار دیتے ہوئے پریس کانفرنس کا بائیکاٹ کرنے کا فیصلہ کرلیا۔