گوتم گھمبیر اور سچن تندولکر نے عمدہ بیٹنگ کا مظاہرہ کیا

ہوبارٹ میں میں کھیلے والے میچ میں سری لنکا نے پہلے کھیلتے ہوئےسینتالیس اوروں میں صرف 179 رنز بنائےاور انڈیا کو جیتنے کے لیے180 رنز کا ہدف دیا جسے انڈیا نے باآسانی پورا کر لیا۔

تفصیلی سکور کارڈ

انڈیا نے جب ہدف کا تعاقب شروع کیا تو ان کو ابتدائی اووروں میں ہی نقصان اٹھانا پڑا جب رابن اوتھاپا صرف گیارہ رنز بنا کر آؤٹ ہوگئے۔

سچن تندولکر اورگوتم گھمبیر نے ایک سو دو رنز کی پارٹنرشپ کر کے انڈیا کو مضبوط پوزیشن میں کھڑا کر دیا۔

سچن تندولکر نے تریسٹھ جبکہ گھمبیر نے چونسٹھ رنز کی اننگز کھیل کی انڈیا کی پوزیشن کو مستحکم کر دیا۔یوراج سنگھ نے تیزی سے کھیلتے ہوئے پینتیس رنز بنائے اور اس طرح انڈیا نے مطلوبہ سکور سترہ اوور پہلے ہی مکمل کر لیا۔

سری لنکا کے بیٹسمین انڈیا کے نوجوان بولروں ایشانت شرما اور پراوین کمار کی عمدہ بولنگ کے سامنے نہ ٹھہر سکے اور پوری ٹیم 179 رنز کے مجموعی سکور پر آؤٹ ہو گئی۔

ایشانت شرما اور پراوین کمار نے چار چار وکٹیں حاصل کیں۔ عرفان پٹھان نے دس اوورں میں صرف تئیس رنز دے کر ایک وکٹ حاصل کی۔ سری لنکا کی پہلی وکٹ اننگز کے ابتدا میں ہی گر گئی لیکن کمار سنگا کارا اور جے سوریا کے عمدہ بیٹنگ کرتے ہوئے ٹیم کا سکور پچاس رنز پر پہنچا دیا لیکن جے سوریا کے آؤٹ کے آؤٹ ہونے کے بعد بعد سری لنکا کی یکے بعد دیگرے دس سکور کے اضافے پر چھ وکٹیں گر گئیں جس سے سری لنکا کی ٹیم نہ سنھبل سکی۔

آسٹریلیا پہلے ہی فائنل میں پہنچ چکا ہے۔