عبدالرشید شکور بی بی سی اردو ڈاٹ کام، کراچی

	مارک باؤچر109 رنز بنا کر ناٹ آؤٹ رہے

پیٹرنز الیون کی جانب سے پاکستانی ٹیم میں دوبارہ شامل کیے جانے والے توفیق عمر نے نصف سنچری سکور کی۔

اس سے قبل مارک باؤچر کی شاندار سنچری کی بدولت جنوبی افریقہ نے اپنی پہلی اننگز میں467 رنز بنائے۔ جنوبی افریقہ نے دوسرے دن 294 رنز5 کھلاڑی آؤٹ پر پہلی اننگز شروع کی تو مارک باؤچر نے عمدہ بیٹنگ کا مظاہر کیا اور سنچری سکور کی۔ وہ نو چوکوں اور ایک چھکے کی مدد سے109 رنز بنا کر ناٹ آؤٹ رہے۔ اے بی ڈی ویلیئرز نے81 رنز بنائے جس میں 8 چوکے شامل تھے۔ انہوں نے باؤچر کے ساتھ چھٹی وکٹ کے لیے119 رنز کا اضافہ کیا۔

پیٹرنز الیون کی جانب سے لیگ سپنر رضوان احمد نے37 اوورز میں 144 رنز کے عوض 7 کھلاڑیوں کو آؤٹ کیا۔

جنوبی افریقہ کے 467 رنز کے جواب میں پیٹرنز الیون کی اننگز بابر نعیم اور توفیق عمر نے شروع کی۔ بابرنعیم39 کے مجموعی اسکور پر نتینی کی گیند پر باؤچر کے ہاتھوں کیچ ہوگئے۔انہوں نے22 رنز بنائے۔ توفیق عمر کو50 رنز پر کیلس نے بولڈ کیا۔ ان کی اننگز میں چھ چوکے شامل تھے۔

شاہد یوسف42 رنز بناکر پال ہیرس کی گیند پر ڈیل اسٹین کے ہاتھوں کیچ ہوئے۔جب کھیل ختم ہوا تو عدنان رضا 14 اور انورعلی 2 رنز پر ناٹ آؤٹ تھے۔ میزبان ٹیم اب بھی جنوبی افریقہ کے اسکور سے331 رنز پیچھے ہے۔