عبدالرشید شکور بی بی سی اردو ڈاٹ کام، کراچی

	اس میچ میں جنوبی افریقہ کے وکٹ کیپر مارک باؤچر نے سینچری سکور کی

تیسرے دن کے کھیل کی خاص بات میزبان ٹیم کے رضوان احمد کی نصف سنچری تھی۔ گزشتہ روز انہوں نے جنوبی افریقہ کی پہلی اننگز میں عمدہ بولنگ کرتے ہوئے سات وکٹیں حاصل کی تھیں۔

اپنی اس عمدہ آل راؤنڈ کارکردگی پر رضوان احمد کا کہنا ہےکہ پچ سے انہیں مدد ملی اور انہوں نے اس کا فائدہ اٹھایا۔ جہانتک بیٹنگ کا تعلق ہے تو وہ بیٹنگ آل راؤنڈر ہیں اور انہیں توقع تھی کہ وہ اچھی اننگز کھیلنے میں کامیاب رہیں گے۔

رضوان احمد کا کہنا ہے کہ وہ کافی دنوں سے اکیڈمی میں عاقب جاوید کی نگرانی میں ٹریننگ حاصل کررہے ہیں اور اس کا انہیں فائدہ ہوا ہے۔ وہ سلیکٹرز کے شکر گزار ہیں جنہوں نے انہیں موقع دیا اور وہ ان کی توقعات پر پورے اترے۔

نیچر کو پیٹرنز الیون نے136 رنز کھلاڑی 3 آؤٹ پر اننگز شروع کی۔ عدنان29 اور انورعلی9 رنز بناکر آؤٹ ہوئے جس کے بعد عاصم کمال اور رضوان احمد نے عمدگی سے کھیلتے ہوئے چھٹی وکٹ کے لئے95 رنز کا اضافہ کیا۔

رضوان احمد بولنگ کے بعد بیٹنگ میں بھی نمایاں رہے۔ انہوں نے چار چوکوں اور ایک چھکے کی مدد سے56 رنز بنائے۔ ان کی وکٹ پال ہیرس کے حصے میں آئی جنہوں نے جنید ضیا کو بھی صفر پر پویلین بھجوادیا۔ جب کھیل ختم ہوا سرفراز احمد 29 اورزوہیب خان 2 رنز پر ناٹ آؤٹ تھے۔

جنوبی افریقہ کی طرف سے پال ہیرس75 رنز کے عوض3 وکٹوں کے ساتھ سب سے کامیاب بولر رہے۔ مکھایا نتینی نے دو وکٹیں حاصل کیں۔
جنوبی افریقی ٹیم اب پیر سے نیشنل سٹیڈیم کراچی میں پاکستان کے خلاف دو ٹیسٹ میچوں سیریز کے پہلے ٹیسٹ میں مدمقابل ہوگی۔