گریم سمتھ نے ایک عمدہ اننگز کھیلتے ہوئے 41 رنز بنائے

بنگلہ دیشی ٹائیگرز نے کھیل کا آغاز بہت جارحانہ انداز سے کیا اور چار اوورز میں ہی پچاس رنز بنا ڈالے۔ لیکن تیز کھیل کا ایک نقصان تین وکٹ کھونے کی صورت میں ہوا۔

آفتاب احمد نے چودہ گیندوں پر پانچ چوکوں اور دو چھکوں کی مدد سے چھتیس رنز بنائے۔ تاہم یکے بعد دیگرے وکٹیں گرتی رہیں اور بنگلہ دیش کی ساری ٹیم 144 کے سکور پر بیس اوورز مکمل ہونے سے پہلے ہی آؤٹ ہو گئی۔

جنوبی افریقہ کی طرف سے کپتان گریم سمتھ نے بہت مضبوط اننگز کھیلی اور 41 رنز بنائے۔ ان کے ہمراہ ایلبی مورکل نے بھی 41 رنز بنائے۔ میچ کی فیصلہ کن شاٹ جسٹن کیمپ نے انیسویں اوور میں ایک چھکے کی صورت میں لگائی اور اس طرح جنوبی افریقہ یہ میچ سات وکٹ سے جیت گیا۔