رکی پونٹنگ نے کہا کہ یہ تینوں بالر دوسرے راؤنڈ کے میچ اپنے آپ کو منوا سکتے تھے لیکن انہوں نے نہ کھیلنے کا فیصلہ کیا۔

فائنل کی وکٹ  کسنگٹن اوول کی وکٹ میں زیادہ اچھال ہے جس سے آسٹریلیا کے بالروں کو فائدہ پہنچے گا۔ پونٹنگ

پونٹنگ نے کہا کہ ’ہمیں معلوم ہے کہ مرلی وہ سب کچھ کرے گا جو وہ ہمیشہ کرتا ہے لیکن ہمارے پاس تیاری کے لیے وقت ہے‘۔

عالمی کپ کے دوران آسٹریلیا نے بنگلہ دیش کی ٹیم کے علاوہ ہر مخالف ٹیم کو آؤٹ کیا۔ بنگلہ دیش کے خلاف میچ بارش کی وجہ سے بیس اووروں تک محدود ہو گیا تھا۔

انہوں نے کہا کہ ہم نے جس انداز سے سب میچ جیتے ہیں اسے ہمیں بہت اعتماد حاصل ہوا ہے۔ انہوں نے کہا کہ آسٹریلیا کے پاس عالمی معیار کے کھلاڑی ہیں جو سب اچھی فارم میں ہیں اور فائنل کھیلنے کے منتظر ہیں۔

سری لنکا کے بلے باز جے سوریا اور مہیلا جے وردھنے اچھی فارم میں ہیں لیکن پونٹنگ کا کہنا ہے کہ کسنگٹن اوول کی وکٹ میں زیادہ اچھال ہے جس سے آسٹریلیا کے بالروں کو فائدہ پہنچے گا۔