 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
نیوزی لینڈ کی سب سے بڑی شکست | ||||||||||||||||||||||||||||||||||||||||
سپرایٹ مرحلے کے ایک میچ میں آسٹریلیا کے 348 رنز کے جواب میں نیوزی لینڈ کی پوری ٹیم 133 رنز بناکر آؤٹ ہو گئی۔ اس طرح اسے 215 رنز کی بھاری شکست سے دوچار ہونا پڑا۔ یہ ایک روزہ میچوں میں نیوزی لینڈ کی سب سے بڑی شکست ہے۔ نیوزی لینڈ کی طرف سے پیٹر فلٹن کے علاوہ کوئی بھی جم کر آسٹریلوی بالروں کا مقابلہ نہ کر سکا۔ انہوں نے 62 رنز بنائے۔ آسٹریلیا کی طرف سے بریڈ ہاگ سب سے کامیاب بالر رہے۔ انہوں نے 29 رنز دے کر چار وکٹیں لیں۔ فاسٹ بالر شون ٹیٹ نے 32 رنز دے کر تین وکٹیں حاصل کیں جبکہ گلین میگرا نے دو کھلاڑیوں کو آؤٹ کیا۔
نیوزی لینڈ کی دوسری وکٹ اس وقت گری جب راس ٹیلر 3 رنز بنا کر میگرا کی گیند پر مائیکل ہسی کے ہاتھوں کیچ ہوئے۔ نیوزی لینڈ کی طرف سے تیسرے آؤٹ ہونے والے کھلاڑی سٹائرس تھے جو 27 رنز بنا کر میگرا کی گیند پر ہیڈن کے ہاتھوں کیچ ہوئے۔ میکملن بھی زیادہ دیر تک کیریز پر نے ٹھہر سکے اور صرف ایک رن بنا کر شون ٹیٹ کی گیند پر ایل بی ڈبلیو ہو گئے۔ نیوزی لینڈ کی طرف سے پانچویں آؤٹ ہونے والے کھلاڑی فرینکلن تھے جنہیں شین واٹسن نے بولڈ کیا۔ نیوزی لینڈ کے چھٹے آؤٹ ہونے والے کھلاڑی بریڈن میکولم تھے جوسات رنز بنا کر بریڈ ہاگ کی گیند پر ہسی کے ہاتھوں کیچ ہوئے۔
نیوزی لینڈ کی طرف سے آٹھویں آؤٹ ہونے والے کھلاڑی مارک گلیسپی تھے جو صرف دو رنز بنا کر بریڈ ہاگ کی گیند پر میگرا کے ہاتھوں کیچ ہوئے۔ نیوزی لینڈ کے نویں کھلاڑی مائیکل میسن بغیر کوئی رن بنائے شون ٹیٹ کی گیند پر وکٹ کیپر گلکرسٹ کے ہاتھوں کیچ ہو گئے۔ نیوزی لینڈ کی اننگز کا خاتمہ اس وقت ہوا جب نیوزی لینڈ کے اوپنر پیٹر فلٹن 62 رنز بنا کر بریڈ ہاگ کی گیند پر بولڈ ہو گئے۔ اس سے پہلے آسٹریلیا کی ٹیم نے مقررہ پچاس اوورز میں چھ وکٹوں پر 348 رنز بنائے تھے۔ آسٹریلیا کی اننگز کی خاص بات اوپنر میتھیو ہیڈن کی شاندار سینچری ہے جو انہوں نے دس چوکوں اور دو چھکوں کی مدد سے مکمل کی۔ رِکی پونٹنگ 66، شین واٹسن 65 اور مائیکل کلارک 49 رنز کے ساتھ آسٹریلیا کی طرف سے دوسرے نمایاں بیٹسمین رہے۔ نیوزی لینڈ کو آسٹریلیا کے خلاف میچ کے شروع میں کامیابی حاصل ہو گئی تھی لیکن بعد میں اوپنر میتھیو ہیڈن اور کپتان رِکی پونٹنگ نے تیزی سے سکور کرنا شروع کر دیا۔ ہیڈن اور پونٹنگ کی تیز بیٹنگ کا اندازہ اس بات سے لگایا جا سکتا ہے کہ دونوں نے تیسری وکٹ کی شراکت میں پہلے پچاس رنز صرف 43 گیندوں پر بنائے۔ رِکی پونٹنگ چھیاسٹھ رنز بنا کر جے ایس پٹیل کی گیند پر راس ٹیلر کی ہاتھوں کیچ ہو گئے۔ نیوزی لینڈ کی طرف سے فرینکلن نے تین وکٹیں لیں جبکہ پٹیل نے دو کھلاڑیوں کو آؤٹ کیا۔ اس سے پہلے آسٹریلیا نے ٹاس جیت کر پہلے بیٹنگ کا فیصلہ کیا تھا۔ نیوزی لینڈ کی طرف سے فاسٹ بالر شین بانڈ اور آل راؤنڈر جیکب اورم اس میچ میں حصہ نہیں لے رہے۔ ان کی جگہ مارک گلیسپی اور مائیکل میسن کو موقع دیا گیا ہے۔ دوسری آسٹریلیا کے آل راؤنڈر شین واٹسن فٹ ہونے بعد اس میں میں کھیل رہے ہیں۔ ٹیمیں: (آسٹریلیا) میتھیو ہیڈن، ایڈم گلکرسٹ، رِکی پونٹنگ (کپتان)، مائیکل کلارک، اینڈریو سِمنڈ، مائیکل ہسی، شین واٹسن، بریڈ ہاگ، نیتھن بریکن، گلین میگرا، شون ٹیٹ۔ (نیوزی لینڈ) سٹیفن فلیمنگ (کپتان)، پیٹر فلٹن، راس ٹیلر، سکاٹ سٹائرس، کریگ میکملن، جیمز فرینکلن، بریڈن میکولم، ڈینیئل وٹوری، مارک گلیسپی، جے ایس پٹیل، اور مائیکل میسن۔ امپائرز: اسد رؤف اور علیم ڈار (پاکستان) |  اسی بارے میں  آسٹریلیا ’مِنی فائنل‘ جیت گیا16 April, 2007 | کھیل کرکٹ: فائنل کن ٹیموں کے درمیان؟18 April, 2007 | کھیل ویسٹ انڈیز کی99 رنز سے جیت19 April, 2007 | کھیل لارا ٹیسٹ کرکٹ سے بھی ریٹائر19 April, 2007 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
