وسیم جعفر نے 116 رنز کی شاندار اننگز کھیلی

اس طرح پہلی اننگز میں وہ بھارت سے 41 رن پیچھے ہے۔

تفصیلی سکور کے لیے یہاں کلک کریں

بھارت کی طرف سے انل کمبلے نے چار اور سری سنتھ نے دو دو وکٹیں حاصل کیں۔

جنوبی افریقہ کے کپتان گریم سمتھ نے 94، ہاشم املہ نے 63 اور جیاک کالس نے 54 رنز سکور کیۓ۔ وکٹ کیپر مارک باچر نے بھی اپنی نصف سنچری مکمل کی۔

اس سے قبل بھارت کی پوری ٹیم پہلی اننگز میں 414 رنز بناکر آؤٹ ہوگئی تھی۔

بھارت کے بلے باز وسیم جعفر نےشاندار 116 رنز کی باری کھیلی۔ انہوں نے 15 چوکے لگائے اور اس کے ساتھ ہی ٹیسٹ میچز میں اپنے ایک ہزار رنز بھی پورے کر لیے۔

سچن تندولکر نے 64 ، سوروگنگولی نے 66 اور وریندر سہواگ نے 40 رنز بنائے۔

بھارت نے ٹاس جیت کر پہلے کھیلنے کا فیصلہ کرتے ہوئےنہایت احتیاط سے اننگز کا آغاز کیا تھا۔

اس سے پہلے دونوں ٹیموں کے درمیان دو ٹیسٹ میچ کھیلے جا چکے ہیں اور دونوں نے ہی ایک ایک میچ میں جیت حاصل کی ہے۔

بھارت کی اننگز کی شروعات دنیش کارتک نے کی جنہیں مہندر سنگھ دھونی کی جگہ ٹیم میں شامل کیا گیا ہے۔ دھونی کو گزشتہ میچ میں ہاتھ پر چوٹ لگ گئی تھی جس کی بنا پر دنیش کارتک کو ٹیم میں شامل کیا گیا ہے۔

دنیش کارتک 63 اور اس کے بعد راہل دراوڑ 29 رنز بنا کر آؤٹ ہو گئے۔
دنیش کارتک اور جعفر نے شان پولیک، مکھیا اینٹنی اور ڈیل سٹین کی بالنگ بے اثر کر دیا تھا۔

ٹیم میں دو تیز رفتار بولر کو شامل کرنے کے باوجود اس میچ میں ٹاس جیت کر بھارت کے کپتان راہول ڈراوڈ نے پہلےبیٹنگ کرنے کا فیصلہ کیا۔

کارتک ہیریس کی گیند پر املا کے ہاتھو کیچ آؤٹ ہو گئے۔دراوڈ کو 29 رنز کے سکور پر باؤچر نے آؤٹ کیا۔

جنوبی افریقہ نے بھی اپنی ٹیم میں کئی تبدیلیاں کی ہیں۔ انہوں نے ژاک کیلس، ڈیل سٹیئن اور نئے کھلاڑی پال ہیرس کو ٹیم میں شامل کیا ہے۔