شین وارن نے یہ سنگ میل ایک سو چوالیسویں اور اپنے آخری ٹیسٹ میں عبور کیا۔

پہلے دن کے کھیل کے اختتام پر آسٹریلیا کے بھی صرف 48 رنز کے سکور پر دو کھلاڑی آؤٹ ہو چکے تھے۔

آؤٹ ہونے والے کھلاڑیوں میں اوپنر جسٹن لینگر اور نائٹ واچمین بریٹ لی تھے۔

تازہ ترین سکورکارڈ کے لیے یہاں کلک کریں

دونوں وکٹیں انگلینڈ کے کپتان اینڈریو فلنٹاف نے لیں اور وہ اس وقت ہیٹ ٹرک پر تھے جب آسٹریلیا کا سکور 44 تھا۔

کھیل کے اختتام پر اسٹریلیا کے کپتان رکی پونٹنگ اور میتھیو ہیڈن کریس پر تھے۔

شین وارن کی 700 ٹیسٹ وکٹیں
آسٹریلیا سپینر شین وارن، انگلینڈ کے اوپنر بیٹسمین سٹراس کو کلین بولڈ کرکے سات سو وکٹیں حاصل کرنے والے دنیا کے پہلے بالر بن گئے ہیں۔ انہوں نے اس اننگز میںپانچ وکٹیں حاصل کیں۔

شین وارن کے کیریئر پر ایک نظر

سٹراس پچاس رنز پر آؤٹ ہوئے۔ انہوں نے کک کے ساتھ اننگز کا آغاز کیا تھا۔ دوسرے کھلاڑیوں میں کک گیار اور بیل سات، کولِن وُڈ اٹھائیس اور ریڈ تین رنز بنا کر آؤٹ ہوئے۔ ساجد محمود بغیر رن بنائے آؤٹ ہوئے۔

کلارک اور لی نے دو دو وکٹیں جبکہ میکگرا نے ایک وکٹ حاصل کی ہے۔

یہ شین وارن کا ایک سو چوالیس واں ٹیسٹ میچ ہے۔ انہوں نے سنہ انیس سو بانوے میں سڈنی میں انڈیا کے خلاف پہلا میچ کھیلا تھا۔ ان کی بہترین کارکردگی اکہتر رنز کے عوض سات وکٹ ہے۔

میلبورن کرکٹ گراؤنڈ میں کھیلا جانے والا یہ ٹیسٹ اس اعتبار سے بھی اہم ہے کہ شین وارن اور گلین میگرا کا یہ آخری ٹیسٹ ہوگا۔

انگلینڈ کے کپتان اینڈرو فلِنٹوف نے ٹاس جیت کر پہلے بیٹنگ کا فیصلہ کیا۔ میلبورن میں بارش ہونے کی وجہ میچ شروع ہونے میں آدھے گھنٹے کی تاخیر ہوئی۔

انگلینڈ کے لیے کرِس ریِڈ وکٹ کیپنگ کریں گے جبکہ پچھلے تین میچوں میں خراب کارکردگی کی وجہ سے گیرن جونز کو ڈراپ کر دیا گیا ہے۔

آسٹریلیا نے جسے تین، صفر کی برتری حاصل ہے، پرتھ میں تیسرے میچ کی فاتح ٹیم میں کوئی تبدیلی نہیں کی۔

انگلینڈ کی اب یہ کوشش ہے کہ پانچ صفر کی شکست سے بچا جائے تا کہ‘1921-1920 کی سیریز کے نتائج نہ دہرائے جائیں۔