یہ پانیسر کا پہلا ایشز میچ ہے۔

میچ کا سکور کارڈ

پرتھ کی وکٹ روایتی طور پر تیز بولوں کے لیے مددگار ہوتی ہے لیکن مونٹی پانیسر نے انگلینڈ کے سٹیو ہارمسن کا خوب ساتھ دیا۔ ہارمسن نے اڑتالیس رنز دے کر چار وکٹ حاصل کیے۔

آسٹریلیا کی جانب سے مائیک ہسے نے انگلینڈ کے بولروں کا ڈٹ کر مقابلہ کیا اور عمدہ بیٹنگ کرتے ہوئے 72 رنز بنائے لیکن دوسری جانب سے بلے باز مسلسل آؤٹ ہوتے گئے۔ مائیک ہسے ناٹ آؤٹ رہے۔

آسٹریلیا نے ٹاس جیت کر پہلے بیٹنگ کرنے کا فیصلہ کیا تھا۔

آسٹریلیا کے کم سکور کے جواب میں انگلینڈ کی طرف سے اننگز کا آغاز بھی زیادہ پراعتماد نہیں تھا۔ انگلینڈ کو پہلا نقصان اس وقت اٹھانا پڑا جب اوپنر کُک 15 رنز بناکر آؤٹ ہو گئے۔ ان کی جگہ ایئن بیل کھیلنے آئے مگر وہ بھی کوئی رن بنائے بغیر آؤٹ ہو گئے۔

جب پہلے دن کا کھیل ختم ہوا تو انگلینڈ نے دو کھلاڑیوں کے نقصان پر 51 رنز بنائےتھے اور سٹراس 24 کے انفرادی سکور پر پُراعتماد بیٹنگ کر رہے تھے۔

اس سے قبل آسٹریلیا نے اپنی اننگز کا آغاز نہایت جارحانہ انداز سے کیا تھا اور میتھیو ہیڈن اور لینگر نے مشرکہ طور پر نو چوکوں کی مدد سے سکور سینتالیس تک پہنچا دیا۔اس موقع پر ہیڈن آؤٹ ہوگئے۔

	پرتھ ٹیسٹ سے پہلےہارمسن وکٹیں لینے کے لیے جدو جہد کر رہے تھے لیکن انہیں کامیابی نہیں ہو رہی تھی

آسٹریلیا کے دوسری وکٹ 54 رنز پر گری جس کے بعد سوائے مائیک ہسے اور کلارک کے کوئی بھی آسٹریلوی کھلاڑی جم کر نہ کھیل سکا۔

جب مونٹی پانیسر پہلی مرتبہ ایشز میں بولنگ کرانے آئے تو تماشائیوں نے ان کا زبردست خیر مقدم کیا۔ ان کا پہلا اوور میڈن رہا لیکن ایشز میں پہلی وکٹ لینے میں انہیں زیادہ دیرنہیں کیونکہ اپنے دوسرے اوور کی پہلی ہی گیند پر انہوں نے لینگر کو بولڈ کر دیا۔

اس موقع پر ہسے اور کلارک نے آسٹریلیا کو مشکل سے نکالا اور چوتھی وکٹ کی شراکت میں 51 رنز کا اضافہ کیا لیکن ہارمسن کے ہاتھوں کلارک کے آؤٹ ہونے کے بعد مونٹی پانیسر اور ہارمسن کو روکنے والا کوئی نہیں تھا۔