ندیم سعید بی بی سی اردو ڈاٹ کام، لندن

	یوسف کو ایک سال میں سب سے زیادہ رنز بنانے کا ریکارڈ توڑنے کے لیے اب سینتالیس رنز درکار ہیں

انہوں نے 1711 رنز بنا کر ویو رچرڈز کا ریکارڈ توڑا۔ اس کے ساتھ ہی انہوں نے رواں سال میں نویں سینچری بنا کر ایک سال میں سب سے زیادہ سینچریاں بنانے کا نیا ریکارڈ قائم کیا۔

کراچی ٹیسٹ میں بنائی گئی سنچری محمد یوسف کی مسلسل چھٹی سینچری ہے اور اس طرح انہوں نے کرکٹ کی دنیا کے عظیم بلے باز سر ڈان بریڈ مین کے چھ مسلسل سنچریاں بنانے کے ریکارڈ بھی برابر کر دیا ہے۔

اس سے پہلے ایک ’ کیلنڈر ائیر‘ میں سب سے زیادہ سنچریاں بنانے کا ریکارڈ مشترکہ طور پر کرکٹ کی تاریخ کے نامور بلے بازوں ویسٹ انڈیز کے ویو رچرڈز اور سری لنکا کے اروندا ڈی سلوا کے پاس تھا۔ دونوں نے ایک سال میں سات، سات سنچریاں بنا رکھی تھیں۔

میچ کی تازہ صورتحال جاننے کے لیے کلک کریں

2006 میں یوسف کی سنچریاں جنوری: لاہور (پاکستان بمقابلہ بھارت) 173 جنوری: فیصل آباد (پاکستان بمقابلہ بھارت) 126 جولائی: لارڈز (پاکستان بمقابلہ انگلینڈ) 202 اگست: ہیڈنگلے (پاکستان بمقابلہ انگلینڈ) 192 اگست: اوول (پاکستان بمقابلہ انگلینڈ) 128 نومبر: لاہور (پاکستان بمقابلہ ویسٹ انڈیز) 192 نومبر: ملتان (پاکستان بمقابلہ ویسٹ انڈیز) 191 نومبر: کراچی (پاکستان بمقابلہ ویسٹ انڈیز) 102 نومبر: کراچی (پاکستان بمقابلہ ویسٹ انڈیز) 124

کراچی میں کھیلا جانے والا ٹیسٹ بتیس سالہ محمد یوسف کے کریئر کا تہترواں میچ ہے۔ اس سے قبل بہتر ٹیسٹ میچز میں تقریباً چھپن رنز فی اننگز کی اوسط سے کھیلتے ہوئے انہوں نے اکیس سنچریوں اور چھبیس نصف سنچریوں کی مدد سے چھ ہزار ایک چھہتر رنز بنائے رکھے تھے۔