 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
ملتان ٹیسٹ: 263 پر چار آؤٹ | ||||||||||||||||||||||||||||||||||||||||
پاکستان نےویسٹ انڈیز کے خلاف ملتان میں کھیلے جانے والے دوسرے ٹیسٹ میچ کے پہلے دن کے کھیل کے اختتام پر چار کھلاڑیوں کے نقصان پر 263 رن بنائے ہیں۔ پاکستانی اننگز کو مستحکم کرنے میں عمران فرحت، یونس خان اور محمد یوسف کی نصف سنچریوں کا حصہ نمایاں رہا۔ پاکستان کے چاروں کھلاڑی مخالف ٹیم کے ہاتھوں کیچ آؤٹ ہوئے۔ عمران فرحت اور محمد حفیظ نے پاکستانی ٹیم کو83 رنز کا اچھا آغاز فراہم کیا۔محمد حفیظ 36 رنز بناکر جیروم ٹیلر کی گیند پر وکٹ کیپر رام دین کے ہاتھوں کیچ ہوگئے۔ عمران فرحت 74 رنز بناکر براوو کی گیند پر دوسری سلپ میں برائن لارا کے ہاتھوں کیچ آؤٹ ہوئے۔ 23 ٹیسٹ میچوں میں یہ ان کی9 ویں نصف سنچری تھی۔ اس اننگز میں دس چوکے شامل تھے۔ محمد یوسف 56 کے سکور پر گائل کی بال پر لارا کے ہاتھوں کیچ آؤٹ ہوئے اور ان کی جگہ شعیب ملک میدان میں آئے۔ انضمام الحق اور شعیب ملک بالترتیب 31 اور 4 بنا کر ناٹ آؤٹ ہیں۔ یونس خان اور محمد یوسف کی پارٹنرشپ کافی مضبوط ثابت ہوئی اور ان کی شراکت میں87 رنز بنے۔ یونس خان 56 رن بناکر ٹیلر کی بال پر مارٹن کے ہاتھوں کیچ آؤٹ ہوئے۔ سب سے پہلے آؤٹ ہونے والے کھلاڑی محمد حفیظ تھے جنہوں نے 36 رن بنائے۔ انضمام الحق نے ٹاس جیت کر ایک ایسی وکٹ پر پہلے بیٹنگ کا فیصلہ کیا جس پر بولرز کے لئے کامیابی حاصل کرنا آسان نہ تھا۔ پاکستان نے میچ کے لیے ٹیم میں کوئی تبدیلی نہیں کی جبکہ ویسٹ انڈیز کی ٹیم میں رام نریش ساروان شامل نہیں۔ ویسٹ انڈیز کے بیٹسمین شیونرائن چندر پال کا یہ سوواں ٹیسٹ میچ ہے وہ یہ سنگ میل عبور کرنے والے دنیا کے بیالیسویں اور ویسٹ انڈیز کے آٹھویں کرکٹر ہیں۔ ان سے قبل کلائیو لائیڈ، ویوین رچرڈز، گورڈن گرینج، ڈیسمنڈ ہینز، کارل ہوپر، کورٹنی والش اور برائن لارا ٹیسٹ میچوں کی سنچری مکمل کرچکے ہیں۔
برائن لارا کہتے ہیں کہ یہ شیونرائن چندرپال کا سوواں ٹیسٹ میچ ہے اور وہ جیت کے ساتھ چندر پال کی اس خوشی کو دوبالا کرنا چاہتے ہیں۔ ان کا کہنا ہے کہ پاکستانی ٹیم اپنے ملک میں متحد ہوکر کھیلتی ہے اور اسے کمزور نہیں سمجھنا چاہیئے اس نے اپنے ملک میں دنیا کی نمبر ایک ٹیم آسٹریلیا کو ہرانے والی انگلینڈ کی ٹیم کو شکست دی ہے۔ لارا کے مطابق ملتان کی وکٹ لاہور کی طرح سست دکھائی دیتی ہے اور موسم بھی کم وبیش ویسا ہی ہے۔ ان کے بیٹسمینوں کو شاٹس کا درست انتخاب کرنا ہوگا۔ انضمام الحق کے لیے ہوم گراؤنڈ ہمیشہ سے خوش بختی کی علامت رہا ہے۔ ملتان کرکٹ اسٹیڈیم میں انہوں نے چار ٹیسٹ میچ کھیلے ہیں جن میں انہوں نےدو سنچریوں اورتین نصف سنچریوں کی مدد سے چار سو پچپن رنز بنائے ہیں۔ پاکستانی ٹیم: انضمام الحق، محمد یوسف، عمران فرحت، محمد حفیظ، یونس خان، شعیب ملک، عبدالرزاق، کامران اکمل، شاہد نذیر، عمر گُل اور دانش کنیریا۔ ویسٹ انڈیز کی ٹیم برائن لارا، ڈیرن گنگا، کرس گیل، رناکو مارٹن، شِو نرائن چندرپال، ڈوائن براوو، دنیش رام دین، ڈیو محمد، کوری کالیمور، ڈیرن پاول اور جیروم ٹیلر۔ |  اسی بارے میں  ڈوپنگ اپیلیں، سماعت ملتوی16 November, 2006 | کھیل طلباء کا نیا کرکٹ ریکارڈ 16 November, 2006 | کھیل چھ دن کا ٹیسٹ کریں: انضمام15 November, 2006 | کھیل بورڈ اثرانداز نہیں ہوسکتا: فخرالدین15 November, 2006 | کھیل پاکستان کی نو وکٹوں سے کامیابی14 November, 2006 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
