 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
آصف سزا کے خلاف اپیل کریں گے | ||||||||||||||||||||||||||||||||||||||||
پاکستان ڈوپنگ کے الزام میں اینٹی ڈوپنگ کمیشن سے ایک سال کی سزا پانے والے فاسٹ بالر محمد آصف کا کہنا ہے کہ وہ بالکل معصوم ہیں اور وہ بہت جلد یعنی آج یا کل تک اس سزا کے خلاف اپیل دائر کردیں گے۔ محمدآصف نے مکمل طور پر انکار کیا کہ وہ ان باتوں سے آگاہ تھے کہ کن ادویات کو کھانے سے ڈوپ ٹیسٹ پازیٹو آتا ہے اور کن ادویات کے کھانے سے نہیں آتا۔ انہوں نے کہا کہ ان کا پہلے کبھی ڈوپ ٹیسٹ نہیں ہوا اس لیے انہیں اس کے بارے میں کچھ علم نہیں تھا اور جب اس ٹیسٹ کے لیے نمونہ دینے کے لیے کہا گیا تو میں پہلا کھلاڑی تھا جس نے یہ نمونہ دیا۔ انہوں نے کہا کہ یہی وجہ ہے کہ جب ان کا ٹیسٹ پازیٹو آیا تو وہ حیران رہ گئے کیونکہ انہوں نے ایسا کچھ نہیں کیا تھا۔ گزشتہ ایک سال سے پاکستان کی ٹیم کی کئی کامیابیوں میں اہم کردار ادا کرنے والے محمد آصف کا کہنا تھا کہ جب سے وہ ٹیم میں ہیں انہیں کسی ڈاکٹر نے یا کسی اور ماہر نے اس کی بابت کچھ نہیں سمجھایا۔ انہوں کہا کہ اس کی بابت پہلے کھلاڑیوں کو بریفنگ دی جاتی تھی اور2005 میں بھی ایسی بریفنگ دی گئی لیکن میں اس بریفنگ میں نے شرکت نہیں کی تھی۔ انہوں نے کہا کہ ان کو کوئی ایسا کتابچہ نہیں دیا گیا جس میں ممنوعہ ادویات کے بارے میں معلومات ہوں۔ یاد رہے کہ اینٹی ڈوپنگ کمیشن کی رپورٹ کے مطابق محمد آصف کو انگریزی زبان میں کتابچہ دیا گیا تھا جس کا ترجمہ فرانسیسی زبان میں تھا اور محمد آصف کو ان دونوں زبانوں کی سوجھ بوجھ نہیں۔ محمد آصف نے کہا وہ ایک پروٹین پاؤڈر استعمال کرتے تھے اور ڈاکٹرز کا کہنا ہے کہ اس سے نیندرولون کا لیول بڑھ سکتا ہے۔ آصف کا کہنا ہے کہ انہوں نے کمیٹی کے سامنے تمام حالات بتائے اس کے باوجود کمیٹی نے یہ فیصلہ دیا اوریہ ان کے لیے غیر متوقع فیصلہ تھا۔
محمد آصف نے کہا کہ انہی بنیادوں پر وہ اس فیصلے کے خلاف جلد اپیل دائر کریں گے اور انہیں امید ہے کہ انہیں چھوٹ مل جائے گی۔محمد آصف نے کہا کہ انہوں نے کبھی ایسا کام کرنے کا نہیں سوچا جس سے ان کی قوم کو تکلیف ہو اور وہ آئندہ بھی ایسا کچھ نہیں کریں گے اور مجھے امید ہے کہ لوگ میرے ساتھ ہیں اور مجھے اپیل میں چھوٹ مل جائے گی۔ محمد آصف دو وکلاء سے بات کر رہے ہیں جن میں سے ایک کا تعلق انگلینڈ اور دوسرے کا پاکستان سے ہے ان کا کہنا ہے کہ وہ آج یا کل تک اپیل دائر کر دیں گے۔ |  اسی بارے میں  شعیب پر دو آصف پر ایک سال01 November, 2006 | کھیل شعیب اپیل کریں گے: ڈاکٹر نعمان02 November, 2006 | کھیل ’راولپنڈی ایکسپریس پٹڑی سے اترگئی‘02 November, 2006 | کھیل ڈوپنگ کی سزا پر انضمام کو افسوس02 November, 2006 | کھیل ڈوپنگ: نیندرولون ہے کیا؟17 October, 2006 | کھیل ڈوپنگ کمیٹی کی کارروائی شروع 21 October, 2006 | کھیل نیم حکیم خطرۂ ٹیم02 November, 2006 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
محمد آصف نے کہا کہ انہوں نے کبھی ایسا کام کرنے کا نہیں سوچا جس سے ان کی قوم کو تکلیف ہو اور وہ آئندہ بھی ایسا کچھ نہیں کریں گے اور مجھے امید ہے کہ لوگ میرے ساتھ ہیں۔
