مناء رانا بی بی سی اردو ڈاٹ کام، لاہور

	شعیب اور آصف ڈوپنگ ٹریبیونل کے سامنے پیش ہوئے

ٹریبیونل نے پاکستان کرکٹ ٹیم کے دو فاسٹ بالرز محمدآصف اور شعیب اختر سے اپنا بیان تحریری طور پر دینے کے لیئے کہا ہے۔

تحقیقاتی کمیٹی کے اجلاس میں اس کے ایک رکن ڈاکٹر وقار کےاسلام آباد سے نہ پہنچ سکنے کے سبب یہ اجلاس مکمل نہ ہو سکا۔

تین رکنی کمیٹی میں سے دو ارکان پر مشتمل یہ اجلاس پاکستانی وقت کے مطابق صبح دس بج کر بیس منٹ پر شروع ہوا اور محمد آصف اور شعیب اختر ساڑھے دس بجے سٹیڈیم آئے۔ دونوں الگ الگ کمیٹی کے سامنے پیش ہوئے۔

اجلاس تقریبا دوگھنٹے جاری رہااجلاس کے بعد کمیٹی کے سربراہ بیرسٹر شاہد حامد نے صحافیوں کو بتایا کہ تیسرے رکن کے نہ آنے کے سبب سماعت نہیں ہو سکی البتہ دونوں کھلاڑیوں سے الگ الگ ملاقات کے دوران انہیں ان کے ڈوب ٹیسٹ کی رپورٹ دے دی گئی ہےاور ان سے کہا گیا ہے کہ وہ اس کا تحریری جواب دے سکتے ہیں۔

شاہد حامد نے کہا کہ وہ دونوں کھلاڑیوں کو اپنی صفائی پیش کرنے کا پورا موقع دیں گے۔انہوں نے کہا کہ کب تک نتائج

شاہد حامد نے کہا کہ وہ دونوں کھلاڑیوں کو اپنی صفائی پیش کرنے کا پورا موقع دیں گے۔

کمیٹی سماعت مکمل کر کے اپنی سفارشات پی سی بی کو دے گی جو ان کی بنیاد پر دونوں کھلاڑیوں کا مستقبل طے کرے گا

کمیٹی کا اگلا اجلاس جمعرات 26 اکتوبر کو ہو گا۔کمیٹی کے دوسرے رکن پاکستان کرکٹ ٹیم کے سابق کپتان انتخاب عالم کوئی خاص بات کہنے سے گریزاں تھے البتہ انہوں نے کہا کہ یہ ایک غیر رسمی ملاقات تھی اصل کاروائی جمعرات کو شروع ہو گی۔

یاد رہے کہ شعیب اختر کہہ چکے ہیں کہ وہ بے قصور ہیں البتہ محمد آصف نے اس سلسلے میں ابھی تک کوئی بیان نہیں دیا۔

دونوں کھلاڑیوں کو بھارت میں ہونے والے چمپئنز ٹرافی میں پاکستان کے پہلے میچ سے قبل پاکستان کرکٹ بورڈ نے ڈوب ٹیسٹ مثبت آنے پر واپس بلوا لیا تھا۔

اس درمیان سپوٹ میڈیسین ایسوسی ایشن آف پاکستان نے پاکستان کرکٹ بورڈ کی تحقیقات کے نتیجے برآمد ہونے کہ پہلے ہی دونوں کھلاڑیوں کا نام لینے پر شدید مذمت کی ہے۔