 | | | ثانیہ مرزا نے پہلے سیٹ ہارنے کے بعد، ایک بھی گیم نہیں ہارا اور اگلے دو سیٹ جیت گئیں |
ہندوستان کی ٹینس کھلاڑی ثانیہ مرزا نے کوریا اوپن ٹورنامنٹ کے دوسرے راؤنڈ میں دنیا کی نویں نمبر کy کھلاڑی مارٹینا ہِنگز کو ہرا دیا ہے۔ ثانیہ مرزا نے مارٹینا ہِنگز کو چار چھ، چھ زیرو، چھ چار سے ہرایا ہے۔ پہلے سیٹ میں ہارنے کے بعد دوسرے سیٹ میں ثانیہ نے ہنگز کا زبردست مقابلہ کیا اور مزید ایک بھی گیم ہارے بغیر دوسرا سیٹ جیت کر سکور برابر کر لیا۔ آخری سیٹ انہوں نے چار کے مقابلے میں چھ گیم سے جیتا۔ اس سے پہلے کورین اوپن کے پہلے میچ میں ثانیہ نے کوریا کی لی یے را کو تین چھ، چھ زیرو، چھ زیرو سے ہرا دیا تھا۔ اس میچ میں بھی ثانیہ پہلا سیٹ ہار گئی تھیں۔ انیس سالہ ثانیہ مرزا گزشتہ دنوں بہتر کارکردگی دکھانے میں ناکام رہی تھیں اور ان کی ورلڈ ٹینس رینکنگ 70 ہوگئی تھی۔ | | | مارٹینا ہنگز خواتین کے عالمی درجہ بندی میں نویں نمبر پر ہیں |
گزشتہ ہفتے کولکتہ میں سن فیسٹ ٹورنامنٹ میں مارٹینا ہنگز نے ہی انہیں سیمی فائنل میں ہرا دیا تھا۔ جس کے بعد ثانیہ ٹورنامنٹ سے باہر ہوگئی تھیں۔ ہِنگز نے سانیہ کو زیرو چھ، ایک چھ سے ہرادیا تھا۔ کھیل کے ماہرین کا خیال ہے کہ ایک ایسے وقت میں جب ثانیہ بہتر کارکردگی کرنے میں نا کام ہورہی تھیں کورین اوپن میں یہ جیت انکی عالمی رینکنگ کو بہتر کرنے میں مدد گار ثابت ہوگی اور انکے اعتماد میں بھی اضافہ ہوگا۔ ماہرین کا یہ بھی کہنا ہے کہ ثانیہ کو مسلسل بہتر کارکردگی کا مظاہرہ کرنا ہوگا اور اپنے کھیل میں نئی نئی تکنیک کا استعمال کرنا ہوگا۔ ٹینس کے تجزیہ کاروں کا کہنا ہے کہ ثانیہ اپنے کھیل کی تکنیک میں تجربات نہیں کر تییں اور ان کے سامنے والا کھلاڑی کو پتہ ہوتا ہے کہ ثانیہ کیا شاٹ کھیلنے جارہی ہیں۔ کورین اوپن میں ثانیہ کوراٹر فائنل میں پہنچ گئی ہیں اور ان اب کا مقابلہ سپین کی ورجینیا روانو پاسکوال سے ہوگا۔ | 
میرا کھیل بہتر ہوا ہے: ثانیہ مرزا
