ڈیرل ہیئر نے کہا کہ وہ متعصب نہیں ہیں

انگلینڈ اور پاکستان کےدرمیان چوتھے میچ میں متنازعہ فیصلہ دینے کے بعد ایک آسٹریلوی اخبار کو اپنے پہلے انٹرویو میں ڈیرل ہیئر نے کہا ہے کہ وہ اپنے فیصلے کو صیح سمجھتے ہیں اور اس پر قائم ہیں

ڈیرہل ہیئر نے اس انٹرویو میں اپنے خلاف اس تاثر کو بھی رد کیا کہ وہ ایشیائی ٹیموں کے خلاف تعصب رکھتے ہیں۔

انہوں نے کہا کہ جو لوگ انہیں جانتے ہیں ان کو پتہ ہے کہ جب تک انہیں یقین نہ ہو وہ کسی کے خلاف کوئی ایکشن نہیں لیتے۔

ڈیرل ہیئر نےکہا کہ انہوں نےایشیا میں بہت سے میچوں کی امپائرنگ کی ہے اور اگر آئی سی سی نے ان کو یہ فریضہ پھر سے سونپا تو وہ اسے بہتر انداز میں نبھانے کی کوشش کریں گے۔

ڈیرل ہیئر کے پاکستان کے خلاف فیصلہ کی وجہ سے پاکستان ٹیم نے احتجاجاً
کھیل ادھورا چھوڑ دیا تھا۔