محمد سمیع کی جگہ فاسٹ بالر محمد آصف کو ٹیم میں شامل کیا ہے۔

پاکستان نےٹاس جیت کر انگلینڈ کو بیٹنگ کی دعوت دی ہے ۔پاکستان نے اس ٹیسٹ میں ایک نئی افتتاحی جوڑی آزمانے کا فیصلہ کیا ہے اور اس ٹیسٹ میں اوپننگ کی ذمہ داری عمران فرحت اور محمد حفیظ نبھا رہے ہیں۔

تفصیلی سکور کارڈ کے لیے کلک کریں

پاکستان نے محمد سمیع کی جگہ فاسٹ بالر محمد آصف کو ٹیم میں شامل کیا ہے۔

انگلینڈ کی ٹیم پہلے ہی دو ٹیسٹ جیت کر سیریز میں فیصلہ کن برتری حاصل کر چکی ہے اور انگلش کپتان کا کہنا ہے کہ وہ اوول ٹیسٹ جیت کر سیریز تین صفر سے جیتنے کی کوشش کریں گے۔

انگلینڈ نے چوتھے ٹیسٹ کے لیئے ٹیم میں کوئی تبدیلی نہ کرنے کا اعلان کیا ہے اور میتھیو ہوگارڈ کے فٹ ہو جانے کے بعد اوول ٹیسٹ میں وہی ٹیم کھیل رہے ہے جس نے ہیڈنگلے ٹیسٹ جیتا تھا۔

اوول کے میدان پر ٹیسٹ میچوں میں پاکستان کا ریکارڈ نہایت اچھا ہے اور اس نے اس میدان پر کھیلے گئے سات میں سے تین میچ جیتے ہیں جن میں سے دو سنہ 1990 میں ایک ہی سیریز میں جیتے گئے تھے۔

پاکستان کے کپتان انضمام الحق کا کہنا ہے کہ وہ چھ بلے بازوں اور چار بالروں کے ساتھ میدان میں اتریں گے۔ ان کا کہنا تھا کہ’ ہم اس میدان پر اپنا عمدہ ریکارڈ برقرار رکھنا چاہتے ہیں اور اگر ہم زیادہ رن بنانے میں کامیاب رہے تو انگلینڈ پر دباؤ ڈال سکتے ہیں‘۔

پاکستان کی ٹیم: انضمام الحق، کپتان، عمران فرحت، محمد حفیظ، یونس خان محمد یوسف، فیصل اقبال، کامران اکمل، عمر گل، شاہد نذیر، محمد آصف، دانش کنیریا۔

انگلینڈ کی ٹیم: اینڈریو سٹراس، مارکس ٹریسکوتھک، الیسٹر کک، پال کالنگ ووڈ، کیون پیٹرسن، این بیل، ریڈ، ساجد محمود، میتھیو ہوگارڈ، سٹیو ہارمیسن، مونٹی پنیسر۔